Kailas Patil : ओमराजे निंबाळकरांचा प्रचार सुरू असतानाच आमदार कैलास पाटील कोसळले; रुग्णालयात उपचार सुरू
Dharashiv Lok sabha : धाराशिव मतदारसंघातील ठाकरे गटाचे आमदार कैलास पाटील (MLA Kailash Patil)यांना उष्माघाताने चक्कर आल्याची घटना समोर आली आहे. धाराशिवमध्ये खासदार ओमराजे निंबाळकर (Omraje Nimbalkar)यांच्या प्रचार रॅलीदरम्यान ही घटना घडली.
राज्यात लोकसभेची रणधुमाळी सुरू असून प्रचारासाठी उमेदवार व कार्यकर्ते पायाला भिंगरी लावून फिरत आहेत. धाराशिव मतदारसंघातील ठाकरे गटाचे आमदार कैलास पाटील (MLA Kailash Patil) यांना उष्माघाताने चक्कर आल्याची घटना समोर आली आहे. धाराशिवमध्ये खासदार ओमराजे निंबाळकर (Omraje Nimbalkar)यांच्या प्रचार रॅलीदरम्यान ही घटना घडली. त्यांना उष्माघाताचा त्रास झाला आणि ते चक्कर येऊन खाली कोसळले. त्यानंतर कार्यकर्त्यांनी त्यांना तत्काळ नजिकच्या रुग्णालयात हलवले. त्यांच्यावर रुग्णालयात उपचार सुरू आहेत.
लोकसभा निवडणुकांतील प्रचाराबरोबरच तापमानाचा पाराही वाढत आहे. अनेक जिल्ह्यात उष्णतेने लोक हैराण झाले आहेत. शिवसेना आमदार कैलास पाटील यांना आज उष्माघाताचा मोठा फटका बसला. खासदार ओमराजे निंबाळकर यांची सभा भर उन्हात सुरू होती. यावेळी चक्कर येऊन कैलास पाटील रस्त्यावरच कोसळले.
पदाधिकारी आणि कार्यकर्त्यांनी तातडीने त्यांना एका गाडीतून रुग्णालयात नेलं. त्यांची प्रकृती स्थिर आहे. महाविकास आघाडीचे उमेदवार ओमराजे निंबाळकर यांनी आज उमेदवारी अर्ज दाखल केला. त्यावेळी त्यांनी जोरदार शक्ती प्रदर्शन केले. यावेळी रोहित पवार,आदित्य ठाकरे,अमित देशमुख आदि उपस्थित होते. खासदार ओमराजे निंबाळकर आज उमेदवारी अर्ज दाखल केल्यानंतर सभेचे आयोजन करण्यात आले होते.या रॅलीमध्ये सहभागी झालेले धाराशिवचे आमदार कैलास पाटील यांना उष्माघाताचा त्रास होऊन ते चक्कर येऊन जमिनीवर कोसळले. त्यामुळे रॅलीदरम्यान एकच गोंधळ उडाला.
उष्माघात टाळण्यासाठी अशी घ्या काळजी -
- नेहमी पुरेसे पिण्याचे पाणी सोबत ठेवा.
- भरपूर पाणी प्या आणि तहान लागली नसली तरी प्या.
- चांगली टोपी घाला.
- सनग्लासेस घाला.
- सूर्यापासून दूर राहण्यासाठी दिवसभरातील ऍक्टिव्हिटी भर उन्हात करू नकात.
- हलके आणि सैल कपडे घाला
- कार्बोहायड्रेटचे सेवन वाढवा आणि प्रथिनांचे सेवन कमी करा.
- अल्कोहोलयुक्त आणि कार्बोनेटेड पेये टाळा.
- पुरेशा प्रमाणात मिठाचे सेवन करणे किंवा ओआरएस/इलेक्ट्रल सारखी व्यावसायिकरित्या उपलब्ध इलेक्ट्रोलाइट पेये घ्या.
- थेट सूर्यप्रकाश टाळा.
उष्माघाताची लक्षणे काय आहेत?
- मांडी आणि खांद्यावर उष्णतेमुळे पेटके
- चक्कर येणे.
- बेशुद्ध होणे.
- मळमळ
- उलट्या होणे.
- डोकेदुखी.
- जास्त घाम येणे.
- उच्च शरीराचे तापमान.
- बदललेली मानसिक स्थिती.
- अत्यंत कोरडी त्वचा.
प्री हॉस्पिटल केअर
- जर तुम्हाला वरीलपैकी कोणतीही लक्षणे दिसली तर स्वतःला सूर्यापासून दूर ठेवा. सावलीच्या जागी बसा किंवा झोपा.
- थंड पाण्याने ओल्या टॉवेलमध्ये शरीर/हात/पाय स्पंज करून किंवा गुंडाळून शरीराचे तापमान सक्रियपणे कमी करा.
- एका ग्लास पाण्यात एक चमचे मीठ किंवा इलेक्ट्रोलाइटची पावडर मिसळून हे मिश्रण हळूहळू प्या.
- स्वतःला पूर्णपणे बरे होण्यासाठी पुरेसा वेळ द्या.
संबंधित बातम्या