भोजपुरी अभिनेता पवन सिंह यांचा यू-टर्न, आधी लोकसभा लढण्यास नकार अन् आता म्हणाले..

लोकसभा निवडणूक २०२४ साठी भाजपने काही दिवसांपूर्वी १९५ उमेदवारांची पहिली यादी जाहीर केली होती. यामध्ये पश्चिम बंगालमधील आसनसोल लोकसभा जागेवरून भोजपुरी फिल्म इंडस्ट्रीतील अभिनेता पवन सिंह (Pawan Singh) यांना मैदानात उतरवले होते. मात्र त्यानंतर पवनसिंह यांनी २४ तासातच आसनसोलमधून निवडणूक लढण्यास नकार दिला होता. आसनसोल मतदारसंघातून सध्या अभिनेते शत्रुघ्न सिन्हा टीएमसी खासदार आहेत. 

कोणत्या मतदारसंघातून लढणार निवडणूक -

आसनसोल मतदारसंघातून निवडणूक लढण्यास नकार दिल्यानंतर पवन सिंह यांनी बीजेपी अध्यक्ष जेपी नड्डा यांची भेट घेतली होती. भेटीनंतर पवनसिंह यांनी सांगितले की, आसनसोल किंवा अन्य जागेवरून लढण्याचा जो निर्णय होईल तो चांगलाच होईल.

Nari Nyaya Guarantee: महिलांना दरवर्षी १ लाख रुपये, काँग्रेसकडून ‘नारी न्याय गॅरंटी’च्या माध्यमातून ५ मोठ्या घोषणा

कोण आहे पवन सिंह -

पवन सिंह भोजपुरी पार्श्व गायक असून त्यांना भोजपुरी गीत, लॉलीपॉप लागेलु (Lollypop Legelu) साठी ओळखले जाते. भोजपुरी फिल्म इंडस्ट्रीमध्ये त्यांना दोन आंतरराष्ट्रीय भोजपुरी चित्रपट पुरस्कार मिळाले आहे. पवन सिंह यांचा जन्म ५ जानेवारी १९८६ रोजी झाला असून ते राजपूत कुटूंबातील आहे. पवन सिंह यांची मोठी फॅन फॉलोइंग आहे. चित्रपटात अभिनय आणि सिंगिगसोबत त्यांची कोट्यवधींची संपत्ती आहे. रिपोर्ट्सनुसार पवन सिंह यांची अंदाजे संपत्ती जवळपास ६-८ मिलियन डॉलर (सुमारे ५०-६५  कोटी रुपये) आहे. पवन सिंह भोजपुरीमधील सर्वात महागडा अभिनेता आहे.