Arvind Kejriwal news: तुरुंगातून सुटल्यानंतर केजरीवाल थेट हनुमान मंदिरात; सहकाऱ्यांसोबत केली पूजाअर्चा

‘हनुमानजींचा आशीर्वाद, कोट्यवधी लोकांच्या प्रार्थना आणि सर्वोच्च न्यायालयाच्या न्यायमूर्तींचा न्याय यामुळे मी तुमच्या सर्वांमध्ये परत आल्याचा खूप आनंद होत आहे’, असं केजरीवाल यांनी ‘एक्स’वर (पूर्वीचे ट्विटर) लिहिले आहे. दरम्यान, केजरीवाल हे आज शनिवारी दुपारी एक वाजता पक्षाच्या मुख्यालयात पत्रकार परिषदेला संबोधित करणार आहे.

हे वाचाः मुख्यमंत्री अरविंद केजरीवाल यांना १ जूनपर्यंत अंतरिम जामीन मंजूर

लोकसभा निवडणुकीतील केजरीवाल यांचा आज दिल्लीत पहिला ‘रोड शो’

अरविंद केजरीवाल हे आज, शनिवारी दुपारी चार वाजता दक्षिण दिल्लीतील महरौली येथे रोड शो करणार आहे. आज होणारा केजरीवाल यांचा 'रोड शो' हा २०२४ च्या लोकसभा निवडणुकीतला दिल्ली शहरातला त्यांचा पहिलाच रोड शो असणार आहे. पंजाबचे मुख्यमंत्री भगवंत मान हे देखील केजरीवाल यांच्यासोबत आजच्या ‘रोड शो’मध्ये सहभागी होणार आहेत. दिल्ली उत्पादन शुल्क प्रकरणी ईडीने २१ मार्च रोजी अरविंद केजरीवाल यांना अटक केली होती. तब्बल ५० दिवस जेलमध्ये काढल्यानंतर केजरीवाल यांनी काल, शुक्रवारी सर्वोच्च न्यायालयाने जामीन मंजुर केला होता.

हे वाचाः तुरुंगात असलेल्या अरविंद केजरीवाल यांच्यावर नरेंद्र मोदींची सीसीटीव्हीच्या माध्यमातून पाळत; आम आदमी पक्षाचा आरोप

देशाला हुकूमशाहीपासून वाचवण्यासाठी एकत्र या

‘मी लवकरच बाहेर येईन, असं मी म्हणालो होतो. आता मी बाहेर आलोय. सर्वप्रथम मला हनुमानजींच्या चरणी वंदन करायचे आहे. हनुमानजींच्या आशीर्वादामुळे मी आज तुमच्यात आहे. मी तुम्हा सर्वांचे आभार मानू इच्छितो. देशभरातील कोट्यवधी लोकांनी मला आशीर्वाद आणि प्रार्थना पाठवली. मी सर्वोच्च न्यायालयाच्या न्यायाधीशांचे आभार मानू इच्छितो. देशाला हुकूमशाहीपासून वाचवण्यासाठी एकत्र येऊन काम करा, अशी मी सर्वांना विनंती करतो. मी सर्व ताकदीनिशी हुकूमशाहीविरोधात लढत आहे. पण देशातील १४० कोटी जनतेला हुकूमशाहीशी लढावे लागेल’ असं केजरीवाल यांनी शुक्रवारी तिहार कारागृहाबाहेर जमलेल्या कार्यकर्त्यांना संबोधित करताना सांगितले होते.

हे वाचा जामीन मिळवण्यासाठी केजरीवाल जेलमध्ये मुद्दाम आंबे, मिठाई खातायत; ईडीचा न्यायालयात दावा