मराठी बातम्या  /  निवडणुका  /  Jagan Mohan Reddy: आंध्र प्रदेशच्या मुख्यमंत्र्यांवर प्रचारा दरम्यान दगडफेक, डोळ्याला दगड लागल्याने जगन मोहन रेड्डी जखमी

Jagan Mohan Reddy: आंध्र प्रदेशच्या मुख्यमंत्र्यांवर प्रचारा दरम्यान दगडफेक, डोळ्याला दगड लागल्याने जगन मोहन रेड्डी जखमी

Ninad Vijayrao Deshmukh HT Marathi
Apr 14, 2024 06:04 AM IST

Jagan Mohan Reddy: वायएसआर काँग्रेस पक्षाचे प्रमुख व मुख्यमंत्री जगन मोहन रेड्डी (andhra pradesh) हे बसमध्ये प्रचार करत असताना, अज्ञात व्यक्तीने फेकलेला दगड त्यांच्या डोळ्याला लागल्याने ते जखमी झाले आहे. त्यांच्या डोक्याला खोच पडली असून दोन टाके (jagan mohan reddy injured) पडले.

प्रचार करणाऱ्या आंध्र प्रदेशच्या मुख्यमंत्र्यांवर दगडफेक, डोळ्याला दगड लागल्याने जगन मोहन रेड्डी जखमी
प्रचार करणाऱ्या आंध्र प्रदेशच्या मुख्यमंत्र्यांवर दगडफेक, डोळ्याला दगड लागल्याने जगन मोहन रेड्डी जखमी

Jagan Mohan Reddy: आंध्रप्रदेशचे मुख्यमंत्री आणि वायएसआर काँग्रेस पक्षाचे प्रमुख जगन मोहन रेड्डी हे प्रचार रॅलीत असताना, गर्दीतून एका अज्ञात व्यक्तीने त्यांच्यावर दगड भिरकवल्याने तो त्यांच्या डोक्याला लागला असून या हल्यात त्यांचा डोळा थोडक्यात वाचला आहे. त्यांच्या डोक्याला खोच पडली असून दोन टाके देखील पडले आहेत. वायएसआर काँग्रेस पक्षाचे प्रमुख जगन मोहन रेड्डी बसमध्ये बसून प्रचार करत होते. हा दगड मुख्यमंत्र्यांच्या डाव्या भुवया वर थोडासा वर लागल्याने यात त्यांचा डोळा हा थोडक्यात वाचला आहे.

ट्रेंडिंग न्यूज

WhatsApp: व्हॉट्सअ‍ॅपने तुमच्या मोबाईल नंबरवर बंदी घातली? पुन्हा कसे सुरू करायचे? जाणून घ्या पद्धत

मीडिया रिपोर्ट्सनुसार, प्रचार करत असतांना, जवळच्या शाळेतून दगडफेक करण्यात आली. YSRCP सदस्य म्हणाले, "हा हल्ला टीडीपी आघाडीचा कट आहे. (टीडीपी प्रमुख आणि माजी मुख्यमंत्री) चंद्राबाबू नायडू यांची अस्वस्थता या हल्यातुन दिसून येते."

Fact Check: धर्माच्या नावावर मते मागणाऱ्या भाजप नेत्याला चोप? जाणून घ्या व्हायरल व्हिडिओमागील सत्य

गोफणीद्वारे झाली दगडफेक

मुख्यमंत्री विजयवाडा येथील सिंह नगर येथील विवेकानंद स्कूल सेंटरमध्ये जमावाला संबोधित करत असताना अचानक दगडफेक झाली, असे मुख्यमंत्री कार्यालयाने (सीएमओ) दिलेल्या निवेदनात म्हटले आहे. अत्यंत वेगाने दगड रेड्डी यांच्यावर कपाळाला लागला. तो गोफणीतून सोडण्यात आला असावा, असा संशय पोलिस अधिकाऱ्यांना आहे. बसच्या वरच्या भागातून मुख्यमंत्री नागरिकांना अभिवादन करत असताना त्यांच्यावर हा हल्ला करण्यात आला.

iPhone hack check: तुमचा आयफोन हॅक झाला आहे की नाही, हे कसे तपासायचे? जाणून घ्या सोपी पद्धत!

प्रचारासाठी २१ दिवसांची बस रॅली

जगन मोहन रेड्डी हे लोकसभा निवडणुकीसाठी त्यांच्या पक्षाच्या उमेदवारांच्या प्रचारासाठी मेमंथा सिद्धम (आम्ही सर्व तयार आहोत) बस प्रवास सुरू केला होता. २१ दिवसांपासून ते या बसने प्रचार यात्रा करणार आहे. राज्यात लोकसभेसोबतच विधानसभेच्याही निवडणुका या वर्षी होणार आहेत. भाजपने तेलगू देसम (टीडीपी) आणि जनसेना पक्षासोबत युती केली आहे. दरम्यान, या घटनेमुळे आंध्रप्रदेशात तणावाचे वातावरण आहे. 

WhatsApp channel