Yuzvendra Chahal : युझवेंद्र चहल आणि धनश्री वर्माचा घटस्फोट? युझीनं उचललेलं हे पाऊल चाहत्यांना खटकलं, पाहा

युझीने धनश्रीसोबतचे फोटो डिलीट केले

युझवेंद्रने धनश्रीसोबतचे सर्व फोटोही डिलीट केले आहेत. धनश्रीनेही युझवेंद्रला अनफॉलो केले आहे, पण तिने दोघांचे फोटो डिलीट केलेले नाहीत.

Jasprit Bumrah : जसप्रीत बुमराहनं मैदान सोडलं! ट्रेनिंग ड्रेसमध्ये कुठे गेला? टीम इंडियाच्या अडचणी वाढल्या

एक वृत्तपत्राच्या बातमीनुसार, घटस्फोटाच्या बातम्या खऱ्या असल्याचं म्हटलं आहे. सूत्रांनी सांगितले की, 'घटस्फोट अंतिम आहे, फक्त औपचारिक घोषणा होणे बाकी आहे.'

धनश्रीने २०२३ मध्ये चहल नाव हटवले होते

वेगळे होण्याचे खरे कारण अद्याप स्पष्ट झाले नाही. पण दोघांनी वेगळे होण्याचा निर्णय घेतला आहे. २०२३ मध्ये धनश्रीने तिच्या इंस्टाग्राम नावावरून 'चहल' हे नाव हटवल्यानंतर या अशा बातम्या सुरू झाल्या.

याच्या एका दिवसानंतर, युझवेंद्रने एक रहस्यमय इंस्टाग्राम स्टोरी पोस्ट केली, ज्यामध्ये लिहिले होते, 'नवे आयुष्य सुरू होत आहे.' त्यावेळी युझवेंद्रने या अफवा फेटाळून लावत एक नोट जारी केली होती. अशा अफवांवर विश्वास ठेवू नका आणि पसरवू नका असे त्याने त्याच्या चाहत्यांना सांगितले होते.

११ डिसेंबर २०२० रोजी युजवेंद्र आणि धनश्रीचे लग्न झाले होते. झलक दिखला जा ११ मध्ये धनश्रीने तिची लव्हस्टोरी सांगितली होती. तिने सांगितले होते, की 'लॉकडाऊन दरम्यान क्रिकेट सामने होत नव्हते आणि सर्व क्रिकेटपटू घरी बसून कंटाळले होते. त्यादरम्यान एके दिवशी युजींनी डान्स शिकण्याचा निर्णय घेतला. सोशल मीडियावर त्यांनी माझ्या डान्सचे व्हिडिओ पाहिले होते. पूर्वी मी डान्स शिकवायचे. डान्स शिकण्यासाठी तो माझ्याकडे आला.

युझवेंद्र चहल टीम इंडियातून बाहेर 

युझवेंद्र चहल सध्या टीम इंडियातून बाहेर आहे. २०२४ चा टी-20 विश्वचषक जिंकणाऱ्या संघाचा तो भाग होता पण त्याला एकही सामना खेळण्याची संधी मिळाली नाही. त्याने भारतासाठी शेवटचा वनडे जानेवारी २०२३ मध्ये आणि शेवटचा टी-20 ऑगस्ट २०२३ मध्ये खेळला. यानंतरही पंजाब किंग्जने त्याला आयपीएल २०२५ च्या लिलावात १८ कोटी रुपयांना विकत घेतले.