Yashasvi Jaiswal: यशस्वी जयस्वाल ठरला प्लेअर ऑफ द मंथ; विल्यमसन, निसांका यांचे आकडे पडले फिके!

यशस्वी जयस्वालने न्यूझीलंडचा अनुभवी केन विल्यमसन आणि श्रीलंकेचा सलामीवीर पाथुम निसांका यांना मागे टाकत हा पुरस्कार पटकावला. आयसीसी वर्ल्ड टेस्ट चॅम्पियनशिपच्या चालू चक्रात जयस्वाल सर्वाधिक धावा करणारा फलंदाज आहे आणि फेब्रुवारी महिन्यात सलग दोन कसोटी सामन्यांमध्ये दोन शानदार द्विशतके झळकावली होती.

Ranji Trophy : मुशीर खानने मोडला सचिन तेंडुलकरचा रणजी ट्रॉफीतील २८ वर्षे जुना विक्रम

“आयसीसीचा पुरस्कार मिळाल्याने मला खूप आनंद झाला आहे आणि मला आशा आहे की, भविष्यात मला आणखी काही मिळेल. ही माझी पहिलीच पाच सामन्यांची मालिका आहे. मी ज्या पद्धतीने खेळलो आणि त्याचा मला खूप आनंद झाला आणि आम्ही मालिका ४-१ ने जिंकली. माझ्या सर्व सहकाऱ्यांसोबत हा एक अविश्वसनीय अनुभव होता आणि मी त्याचा खूप आनंद घेतला" , असे यशस्वी जैस्वालने म्हटले आहे. जयस्वालने राजकोटच्या नाबाद २१४ धावांच्या खेळीबद्दलही भाष्य केले.

जयस्वालने संपूर्ण फेब्रुवारीमध्ये चमकदार फॉर्मचा आनंद घेत भारताला १-० ने पिछाडीवर असलेल्या मालिका विजयासाठी प्रेरित केले आणि तीन कसोटी सामन्यांत ११२ च्या सरासरीने ५६० धावा केल्या. विशाखापट्टणम येथे झालेल्या दुसऱ्या कसोटीत द्विशतक झळकावून या २२ वर्षीय खेळाडूने महिन्याची सुरुवात केली आणि पहिल्या डावात २०९ धावांची शानदार खेळी करत यजमान संघाने १०६ धावांनी विजय मिळवून मालिकेत बरोबरी साधली.

IPL 2024 : ऋषभ पंत आयपीएलमध्ये खेळणार, बीसीसीआयचा हिरवा कंदील; मोहम्मद शमी 'आऊट'

त्यानंतर राजकोट येथे झालेल्या तिसऱ्या कसोटीच्या दुसऱ्या डावात या सलामीवीराने आणखी चांगली कामगिरी करत नाबाद २१४ धावांची धडाकेबाज खेळी करत कसोटी डावात सर्वाधिक षटकार मारण्याच्या विक्रमाशी बरोबरी केली आणि विजयावर शिक्कामोर्तब केले.

रांची येथे झालेल्या चौथ्या कसोटीत आणखी एक अर्धशतकी धावसंख्या उभी राहिली आणि या सलामीवीरासाठी मैलाचा दगड ठरला ज्याने आयसीसी पुरुष कसोटी फलंदाजी क्रमवारीत मोठी झेप घेतली, जिथे तो ६९ व्या स्थानावरून मालिकेची सुरुवात केल्यानंतर आता पहिल्या दहामध्ये आहे.