यशस्वी जैस्वालचा खास रेकॉर्ड, स्टीव्ह वॉ- द्रविड यांना १०० कसोटीत जमलं नाही ते करून दाखवलं, पाहा

Sarfaraz Khan Family : आझमगड घर तर काश्मीरमध्ये सासर... सरफराज खानच्या फॅमिलीत कोण-कोण आहे? जाणून घ्या

या मालिकेत आतापर्यंत यशस्वी जैस्वालने २२ षटकार मारले आहेत. या कसोटी मालिकेत सर्वाधिक षटकार मारणारा तो फलंदाज ठरला आहे. मालिकेत अजून दोन सामने बाकी आहेत. पण असे अनेक महान फलंदाज आहेत जे आपल्या संपूर्ण कसोटी कारकिर्दीत इतके षटकार ठोकू शकले नाहीत.जितके जैस्वालने केवळ मालिकेतील या तीन सामन्यात ठोकले आहेत. 

हाशिम आमला- १४ षटकार

हाशिम आमला हा क्रिकेट इतिहासातील सर्वात यशस्वी फलंदाजांमध्ये गणला जातो. अमलाने १२४ कसोटी सामन्यांच्या कारकिर्दीत ९२८२ धावा केल्या आहेत. २०१९ मध्ये शेवटची कसोटी खेळणाऱ्या आमलाने आपल्या संपूर्ण कारकिर्दीत केवळ १४ षटकार मारले.

स्टीव्ह वॉ - २० षटकार

स्टीव्ह वॉ हा कसोटी इतिहासातील सर्वात यशस्वी कर्णधार मानला जातो. त्याची फलंदाजीही अप्रतिम होती. कसोटीत १० हजारांहून अधिक धावा करणाऱ्या १४ फलंदाजांच्या यादीत वॉचेही नाव सामील आहे. ३२ शतके झळकावणाऱ्या वॉला त्याच्या कसोटी कारकिर्दीत केवळ २० षटकार मारता आले.

व्हीव्हीएस लक्ष्मण- ५ षटकार

जेव्हा जेव्हा टीम इंडिया कसोटीत कठीण परिस्थितीत असायची तेव्हा व्हीव्हीएस लक्ष्मण हा संकटमोचक बनायचा. त्याने भारतासाठी अनेक ऐतिहासिक खेळी खेळल्या. लक्ष्मणने १३४ कसोटीत ८७८१ धावा केल्या. त्याच्या नावावर १७ शतके आहेत, मात्र त्याने कसोटी करिअरमध्ये केवळ ५ षटकार मारले आहेत.

Yashasvi Jaiswal Record : यशस्वी जैस्वाल नवा सिक्सर किंग, कसोटीच्या एका डावात ठोकले सर्वाधिक षटकार

ॲलिस्टर कुक- १२ षटकार

ॲलिस्टर कुकने १६१ कसोटी सामन्यांच्या २९१ डावांमध्ये फलंदाजी केली. २९१ डावांत त्याला केवळ ११ षटकार मारता आले. राजकोट कसोटीच्या एका डावात यशस्वीने १२ षटकार ठोकले. कुकने इंग्रजी माध्यमांशी बोलताना या गोष्टीचा उल्लेखही केला आहे.

राहुल द्रविड - २१ षटकार

राहुल द्रविडची गणना भारतातीलच नव्हे तर जगातील महान फलंदाजांमध्ये केली जाते. त्याच्या नावावर केवळ कसोटीच नाही तर एकदिवसीय क्रिकेटमध्येही १० हजारांहून अधिक धावा आहेत. एकदिवसीय सामन्यात त्याने २२ चेंडूत अर्धशतक केले आहे. पण द्रविडच्या कसोटी कारकिर्दीत फक्त २१ षटकार आहेत.