Sanju Samson : जस्टीस फॉर संजू… सॅमसनवर पुन्हा अन्याय होणार? चॅम्पियन्स ट्रॉफी खेळण्याचं स्वप्न भंगणार
Sanju Samson Champions Trophy 2025 : १९ फेब्रुवारीपासून आयसीसी चॅम्पियन्स ट्रॉफी सुरू होत आहे. अशा परिस्थितीत संजू सॅमसनला टीम इंडियात संधी मिळणार का, असा प्रश्न आता उपस्थित होत आहे.
भारतीय क्रिकेट संघाचा अनुभवी यष्टीरक्षक फलंदाज संजू सॅमसन याची आंतरराष्ट्रीय कारकीर्द चढ-उतारांनी भरलेली आहे. आतापर्यंत तो टीम इंडियामध्ये आपले स्थान पूर्णपणे पक्के करू शकला नाही. मात्र, संजूने अलीकडच्या काळात टी-20 मध्ये धमाकेदार कामगिरी केली आहे.
संजू भारताकडून टी-20 क्रिकेट खेळत आहे. यादरम्यान त्याने बांगलादेश आणि दक्षिण आफ्रिकेविरुद्धही शतकेही झळकावली होती. संजू सॅमसनच्या फलंदाजीचा परिणाम म्हणजे त्याने आता भारतीय टी-20 संघात आपली जागा निश्चित केली आहे. पण वनडे फॉरमॅटमध्ये त्याची जागा अद्याप झालेले नाही.
१९ फेब्रुवारीपासून आयसीसी चॅम्पियन्स ट्रॉफी सुरू होत आहे. अशा परिस्थितीत संजू सॅमसनला संधी मिळणार का, असा प्रश्न आता उपस्थित होत आहे.
संजूने टी-20 आणि वनडेतही भारतासाठी दमदार कामगिरी केली आहे. विशेष म्हणझे, वनडेत संजूने नेहमीच चांगली कामगिरी केली आहे. असे असूनही त्याला वनडे संघात स्थान देण्यात आलेले नाही.
सॅमसनने २०२१ मध्ये भारताकडून वनडे पदार्पण केले. तेव्हापासून, त्याने ODI फॉरमॅटमध्ये एकूण १६ सामने खेळले आहेत, ज्यामध्ये त्याने ५६.७ च्या अप्रतिम सरासरीने फलंदाजी करताना ५१० धावा केल्या आहेत. यादरम्यान त्याच्या बॅटमधून १ शतक आणि ३ अर्धशतकं आली आहेत. एवढे सगळे असूनही संजूची चॅम्पियन्स ट्रॉफीमध्ये निवड होण्याची शक्यता नाही.
ऋषभ पंत रोहित शर्माची पहिली पसंत
सध्या भारतीय संघात ऋषभ पंत हा पहिल्या पसंतीचा यष्टीरक्षक आहे तर केएल राहुलही विकेटकीपिंग करू शकतो. कार अपघातामुळे पंत जेव्हा खेळापासून दूर होता तेव्हा केएल राहुल २०२३ च्या एकदिवसीय विश्वचषकात विकेटकीपिंग करत होता.
चॅम्पियन्स ट्रॉफीमध्येही टीम इंडिया ऋषभ पंतच्या जागी केएल राहुलला विकेटकीपर फलंदाज म्हणून खेळवू शकते. जेणेकरून संघात एक अतिरिक्त ऑलराऊंडर किंवा गोलंदाज खेळवता येईल. या सर्व गोष्टी लक्षात घेऊन संजू सॅमसनला चॅम्पियन्स ट्रॉफीमध्ये स्थान मिळणे कठीण आहे.
संबंधित बातम्या