Akash Deep : आकाशदीपनं रोहित शर्माचा विश्वास जिंकला, बॉर्डर-गावस्कर ट्रॉफी खेळणार, शमीचा पत्ता कटणार?
Border Gavaskar Trophy, Akash Deep : इंग्लंडविरुद्धच्या मालिकेत आकाशदीपचा पहिल्यांदाच संघात समावेश करण्यात आला होता. तेव्हापासून हा वेगवान गोलंदाज सतत आपले कौशल्य दाखवत आहे.
भारत आणि बांगलादेश यांच्यातील दुसरी कसोटी कानपूरच्या ग्रीन पार्क क्रिकेट स्टेडियमवर खेळली जात आहे. पहिल्या दिवशी बांगलादेशने ३ बाद १०७ धावा केल्या होत्या. त्यानंतर पावसामुळे खेळ थांबवावा लागला. यानंतर या कसोटीचा दुसरा संपूर्ण दिवस पावसात वाहून गेला.
या काळ्या मातीच्या खेळपट्टीवर जसप्रीत बुमराहसारख्या गोलंदाजाला सुरुवातीला विकेट मिळू शकल्या नाहीत, पण आकाशदीपने आपली जादू दाखवत टीम इंडियाला दोन मोठे बळी मिळवून दिले. अशा स्थितीत त्याने कर्णधार रोहित शर्मा याचा विश्वासही जिंकला आहे. रोहितने जेव्हा त्याच्याकडे चेंडू दिला तेव्हा आकाशदीपने आपल्या कर्णधाराला विकेट मिळवून दिली आहे.
इंग्लंडविरुद्धच्या मालिकेत आकाशदीपचा पहिल्यांदाच संघात समावेश करण्यात आला होता. तेव्हापासून हा वेगवान गोलंदाज सतत आपले कौशल्य दाखवत आहे.
यामुळे आता आकाशदीपला सतत प्राधान्य मिळणार?
बांगलादेशविरुद्धच्या कसोटी मालिकेपूर्वी आकाशदीप याने देशांतर्गत क्रिकेटमध्ये फलंदाजांची खूप परीक्षा घेतली. त्याचबरोबर आता आकाशदीपला ऑस्ट्रेलिया दौऱ्यावर जाण्याची संधी मिळू शकते, असे मानले जात आहे. विशेषत: कसोटी सामन्यांमध्ये आकाशदीपची कामगिरी उत्कृष्ट राहिली आहे.
आकाशदीपसोबत, मोहम्मद शमी देखील बॉर्डर-गावस्कर ट्रॉफीसाठी वेगवान गोलंदाजाचा दावेदार आहे, परंतु मोहम्मद शमीची समस्या अशी आहे की तो गेल्या एकदिवसीय विश्वचषकापासून व्यावसायिक क्रिकेट खेळलेला नाही. अशा स्थितीत आकाशदीपला मोहम्मद शमीपेक्षा प्राधान्य मिळू शकते.
मोहम्मद शमीसाठी परतीचा मार्ग सोपा नाही!
मोहम्मद शमीच्या घोट्याला दुखापत झाली होती. त्यानंतर या वेगवान गोलंदाजावर शस्त्रक्रिया करावी लागली. ऑस्ट्रेलिया दौऱ्यापूर्वी मोहम्मद शमीला देशांतर्गत क्रिकेट खेळावे लागणार आहे.
जर त्याने असे केले तर मोहम्मद शमीकडे फक्त रणजी ट्रॉफीचा पर्याय आहे, कारण अलीकडेच झालेल्या दुलीप ट्रॉफी संघाचा तो भाग नव्हता. फिटनेसशिवाय मोहम्मद शमीला आपला फॉर्म सिद्ध करावा लागणार आहे. त्यात तो अपयशी ठरला, तर ऑस्ट्रेलिया दौऱ्यासाठी आकाशदीपचे नशीब चमकू शकते.
