IND vs SL : भारत-श्रीलंका वनडे टाय झाला, पण सुपर ओव्हर का झाली नाही? आयसीसीचा नियम काय? जाणून घ्या

याला प्रत्युत्तरात टीम इंडिया ४७.५ षटकांत २३० धावांवर गारद झाली. अशाप्रकारे पहिला वनडे बरोबरीत सुटला, पण सामना टाय झाल्यानंतर सुपर ओव्हर झाली नाही.

वनडेत सुपर ओव्हरचे नियम काय?

वास्तविक, क्रिकेटमध्ये, जेव्हा दोन्ही संघांचा स्कोअर बरोबरीत होतो तेव्हा निकाल लावण्यासाठी सुपर ओव्हर होते. पण ODI फॉरमॅटमध्ये सुपर ओव्हरबाबत ICC चे नियम वेगळे आहेत. भारत आणि श्रीलंका यांच्यात सुपर ओव्हर का झाली नाही? त्याचे नियम नेमके काय आहेत? ते जाणून घ्या.

आयसीसीच्या नियमांनुसार, कोणत्याही स्पर्धेत किंवा द्विपक्षीय मालिकेत टी-20 आंतरराष्ट्रीय सामना टाय झाल्यास, सुपर ओव्हरची तरतूद आहे. पण वनडे फॉरमॅटसाठी असा कोणताही नियम नाही.

वनडेत केवळ आयसीसी इव्हेंट्समध्ये सुपर ओव्हरचा वापर

तथापि, बहुराष्ट्रीय स्पर्धा, आयसीसी इव्हेंट्स आणि बाद फेरीच्या सामन्यांमध्ये सुपर ओव्हरची तरतूद आहे. पण द्विपक्षीय मालिकेसाठी सुपर ओव्हरची तरतूद नाही.

आतापर्यंत एकदिवसीय आंतरराष्ट्रीय सामन्यांमध्ये सुपर ओव्हर ३ वेळा पाहण्यात आली आहे. ३ नोव्हेंबर २०२० रोजी पाकिस्तान आणि झिम्बाब्वे यांच्यातील एकदिवसीय सामना बरोबरीत संपला, त्यानंतर सुपर ओव्हरद्वारे निर्णय घेण्यात आला.

त्याच वेळी, इंग्लंड आणि न्यूझीलंड यांच्यातील एकदिवसीय विश्वचषक २०१९ च्या फायनलमध्ये सुपर ओव्हरचा वापर करण्यात आला होता, परंतु सुपर ओव्हरमध्येही स्कोअर बरोबरीत राहिला. यानंतर चौकारांच्या मोजणीवरून इंग्लंडला विजेता निवडण्यात आले.

एकदिवसीय विश्वचषक २०२३ च्या पात्रता फेरीत वेस्ट इंडिज आणि नेदरलँड्स यांच्यातील सामना टाय झाला होता. त्यानंतर वेस्ट इंडिज-नेदरलँड सामन्याचा निर्णय सुपर ओव्हरने झाला. वनडे इतिहासात आतापर्यंत सुपर ओव्हरचा केवळ वापर ३ वेळा झाला आहे. या सर्व सुपर ओव्हर आयसीसी इव्हेंट्समध्ये झाल्या आहेत.