अर्शद नदीमने कोणाचा ऑलिम्पिक रेकॉर्ड मोडला, अर्शद-नीरजला किती बक्षीस रक्कम मिळाली? पाहा

पाकिस्तानसाठी हा विजय ऐतिहासिक क्षण आहे, कारण ऑलिम्पिकमधील त्यांचे वैयक्तिक सुवर्ण आहे. यापूर्वी पाकिस्तानने केवळ हॉकीमध्ये सुवर्णपदक पटकावले होते.

खराब सुरुवातीनंतर केला ऑलिम्पिक रेकॉर्ड- २७ वर्षीय अर्शद नदीमची अंतिम फेरीत सुरुवात खास नव्हती. पहिल्या थ्रोदरम्यान त्याचा रनअप नीट बसला नाही. यामुळे त्याने फाऊल केला. मात्र दुसऱ्या प्रयत्नात नदीमने ऑलिम्पिकचा विक्रम मोडला. नदीमची थ्रो ९२.९७ मीटर लांब भाला फेकला. येथेच त्याचे सुवर्णपदक जवळपास निश्चित झाले होते. 

अंतिम फेरीत चमकदार कामगिरी करत ९० मीटरपेक्षा जास्त अंतराचे दोन थ्रो फेकले. भारताचा स्टार भालाफेकपटू नीरज चोप्रानेही ८९.४५ मीटर फेक करून मोमसातील त्याची सर्वोत्तम कामगिरी केली.

अर्शद नदीमला किती बक्षीस रक्कम मिळाली?-  ऑलिम्पिक १८९६ मध्ये सुरू झाले. या स्पर्धेत विजेत्या खेळाडूंना पदके देण्यात आली. टोकियो ऑलिम्पिकपर्यंत कोणत्याही विजेत्याला बक्षीस रक्कम दिली जात नव्हती, मात्र यावेळी जागतिक ऍथलेटिक्सने बक्षीस रक्कम देण्याची घोषणा केली. सुवर्णपदक जिंकल्याबद्दल नदीमला ५० हजार डॉलर्स मिळाले. पाकिस्तानी रुपयात ते अंदाजे १ कोटी ४० लाख रुपये झाले. कोणत्याही ॲथलेटिक्स स्पर्धेत सुवर्णपदकासाठी ही बक्षीस रक्कम मिळते. जर एकापेक्षा जास्त खेळाडू असतील तर बक्षिसाची रक्कम त्यांच्यामध्ये समान प्रमाणात विभागली जाते.

नीरज चोप्राला किती बक्षीस रक्कम मिळाली?-  नीरज चोप्राला ऑलिम्पिक किंवा जागतिक ऍथलेटिक्समधून रौप्य पदक जिंकल्यानंतर कोणतीही बक्षीस रक्कम मिळालेली नाही. या ऑलिम्पिकमध्ये जागतिक ऍथलेटिक्सने केवळ सुवर्णपदक विजेत्या खेळाडूंनाच बक्षीस रक्कम जाहीर केली आहे. २०२८ मध्ये लॉस एंजेलिस येथे होणाऱ्या ऑलिम्पिकमधील ऍथलेटिक्समध्ये रौप्य आणि कांस्यपदक विजेत्यांनाही बक्षीस रक्कम दिली जाईल. ॲथलेटिक्सशिवाय यावेळी इतर कोणत्याही स्पर्धेतील विजेत्यांना बक्षिसाची रक्कम मिळालेली नाही.

३२ वर्षांनंतर पाकिस्तानला ऑलिम्पिक पदक- १९९२ च्या बार्सिलोना ऑलिम्पिकनंतर पाकिस्तानचे हे पहिले ऑलिम्पिक पदक आहे. पाकिस्तानने यापूर्वी ऑलिम्पिकमध्ये ३ सुवर्णपदके जिंकली होती. हे सर्व हॉकीत आले होते. वैयक्तिक स्पर्धेत पाकिस्तानने सुवर्णपदक जिंकण्याची ही पहिलीच वेळ आहे. नदीमने नॉर्वेच्या अँड्रियास टीचा ऑलिम्पिक विक्रम मोडला. २००८ मध्ये बीजिंग गेम्समध्ये त्याने ९०.५७ मीटर भाला फेकला होता. ग्रेनेडाचा अँडरसन पीटर्स, ८८. ५४ मीटर फेक करून तिसरा क्रमांक पटकावला.