Team India : रोहित शर्मानंतर भारताचा पुढचा कर्णधार कोण? दिग्गज खेळाडूनं घेतली 'ही' दोन नावं
दिनेश कार्तिकने त्या दोन खेळाडूंची नावे सांगितली आहेत, जे भविष्यात टीम इंडियाचे कर्णधार होऊ शकतात.
रोहित शर्मा याच्यानंतर क्रिकेटच्या तिन्ही फॉरमॅटमध्ये भारताचा पुढचा कर्णधार कोण असेल? याची जोरदार चर्चा होत आहे. अशातच आता या चर्चेत माजी क्रिकेटर दिनेश कार्तिकने उडी घेतली आहे. त्याने दोन खेळाडूंची नावे घेतली, आहेत जी भविष्यात टीम इंडियाचे नेतृत्व करतील.
वास्तविक, ३७ वर्षीय रोहितने T20 विश्वचषक २०२४ चे विजेतेपद जिंकल्यानंतर टी-20 फॉरमॅटमधून निवृत्ती घेतली. त्यानंतर सूर्यकुमार यादवकडे टी-20 संघाची कमान सोपवण्यात आली होती.
पण हिटमॅनचे वाढते वय लक्षात घेता आता प्रश्न उपस्थित होत आहे की, रोहित शर्माच्या जागी तिन्ही फॉरमॅटमध्ये कोणाला कर्णधार बनवायचे? यामध्ये भारताचा माजी यष्टीरक्षक फलंदाज दिनेश कार्तिकने एक विधान केले आहे. त्याने भारताच्या पुढील कर्णधारासाठी दोन खेळाडूंचे प्रबळ दावेदार म्हणून वर्णन केले आहे.
वास्तविक, दिनेश कार्तिकने त्या दोन खेळाडूंची नावे सांगितली आहेत, जे भविष्यात टीम इंडियाचे कर्णधार होऊ शकतात.
दिनेश कार्तिकने शुभमन गिल आणि ऋषभ पंत यांची नावे घेतली.कार्तिकच्या मते, हे दोन खेळाडू भविष्यात तिन्ही फॉरमॅटमध्ये भारताचे कर्णधारपद भूषवू शकतात.
यामागचे कारण सांगताना कार्तिकने सांगितले की, हे दोघे आधीच आयपीएलमध्ये कर्णधार आहेत आणि त्यांनी काही सामन्यांमध्ये भारतीय संघाचे नेतृत्वही केले आहे. अशा स्थितीत त्यांना भविष्यात कर्णधार बनण्याची संधी आहे.
जेव्हा दिनेश कार्तिकला क्रिकबझवर एका चाहत्याने विचारले की भविष्यात भारतीय संघाचा कर्णधार कोण बनू शकतो, तेव्हा त्याने या प्रश्नाचे उत्तर दिले.
कार्तिक म्हणाला, एक ऋषभ पंत आणि दुसरा शुभमन गिल. दोघेही आयपीएल संघांचे कर्णधार आहेत आणि मला वाटते की कालांतराने त्यांना भारतासाठी सर्व फॉरमॅटचे कर्णधार बनण्याची संधी मिळेल."
