IND vs BAN : टीम इंडियाचा सर्वोत्तम क्षेत्ररक्षक कोण? फिल्डिंग कोच टी दिलीप यांनी घेतली ही ४ नावं

या सामन्यानंतर भारताचे क्षेत्ररक्षण प्रशिक्षक टी दिलीप यांनी चेन्नई कसोटीत चमकदार कामगिरी करणाऱ्या अनेक खेळाडूंचे कौतुक केले आहे.

दिलीप यांनी ४ खेळाडूंचे सर्वोत्तम क्षेत्ररक्षक म्हणून वर्णन केले. याशिवाय आर अश्विनच्या वक्तव्यावरही त्यांनी आपली प्रतिक्रिया दिली. अश्विनने आपल्या आधीच्या एका वक्तव्यात टी दिलीप यांना इंटरनेट पर्सनालिटी नाही तर सेलिब्रिटी म्हटले होते. आता त्यांनी यावर आपली प्रतिक्रिया दिली आहे.

भारताचे टॉप ४ फिल्डर

भारत आणि बांगलादेश यांच्यातील पहिल्या कसोटी सामन्यानंतर भारतीय संघाचे क्षेत्ररक्षण प्रशिक्षक टी दिलीप यांनी एक मुलाखत दिली. बीसीसीआयने शेअर केलेल्या व्हिडिओमध्ये टी दिलीप यांनी ४ सर्वोत्तम क्षेत्ररक्षकांची नावे सांगितली आहेत. चेन्नई कसोटीत चमकदार क्षेत्ररक्षण करणाऱ्या यशस्वी जैस्वाल, केएल राहुल, मोहम्मद सिराज, विराट कोहली यांना त्यांनी सर्वोत्तम क्षेत्ररक्षक म्हटले.

याचा उल्लेख करणे माझ्यासाठी कठीण आहे, परंतु आतापर्यंत हे अगदी स्पष्ट झाले आहे की यशस्वी जैस्वालने खरोखरच त्या स्थितीत एक शानदार झेल घेतला.

केएल राहुलच्या झेलबद्दल मला आणखी एक गोष्ट आवडली ती म्हणजे त्याने उत्तम रिफ्लेक्सेस दाखवले.

यानंतर सिराजच्या झेलबाबत सांगताना दिलीप म्हणाले की, चेन्नईच्या हवामानात, सिराजने जशी डाइव्ह मारली. हेही खूप कौतुकास्पद आहे. वेगवान गोलंदाजाने असे करणे खरोखरच कौतुकास्पद आहे. हे तिघे आणि तुम्ही विराट कोहलीला ओळखताच.

टी दिलीप यांची अश्विनच्या 'सेलिब्रेटी' या कमेंटवर प्रतिक्रिया

आर अश्विनने अलीकडेच एका पत्रकार परिषदेत सांगितले होते की, तुम्ही त्वरीत टी दिलीप सरांचे नाव बदला. ते इंटरनेट पर्सनॅलिटी नाही. ते आमचे सेलिब्रिटी क्षेत्ररक्षण प्रशिक्षक आहेत.

आता यावर टी दिलीप म्हणाले की, अश्विनाला हा विषय कळला त्यामुळे खूप छान वाटले, पण जर तुम्ही मला विचाराल तर एक महिन्यापूर्वी माझ्या एका मित्राने मला काहीतरी दाखवले, तेव्हा मलाही थोडे आश्चर्य वाटले होते. कारण मी Google वर माझे नाव टाइप करत होतो आणि ते मला इंटरनेट पर्सनॅलिटी असे दाखवत होते.