Smriti Mandhana Boyfriend : स्मृती मानधनाचा बॉयफ्रेंड आहे तरी कोण? रिलेशनशिपला ५ वर्षे पूर्ण, जाणून घ्या
स्मृती मानधना गेल्या अनेक वर्षांपासून भारतातील अव्वल महिला क्रिकेटपटूंपैकी एक आहे. तिला रॉयल चॅलेंजर्स बंगलोरने महिला प्रीमियर लीगमध्ये ३ कोटी ४० लाख रुपयांना विकत घेतले.
भारतीय महिला क्रिकेटपटू स्मृती मानधना हिचे दोन फोटो सध्या व्हायरल होत आहेत. वास्तविक, स्मृती आणि तिचा प्रियकर पलाश मुच्छल त्यांच्या नात्याला ५ वर्षे पूर्ण झाल्याबद्दल केक कापताना दिसत आहेत. पलाशने हे २ फोटो इंस्टाग्रामवर शेअर केले आहेत, ज्यावर पलाशची बहीण पलक आणि स्वतः स्मृती यांनी कमेंट केली आहे.
दरम्यान, स्मृतीकडून या नात्याबद्दल अद्याप कोणतीही पुष्टी झालेली नाही. पण पलाश हा स्मृतीचा बॉयफ्रेंड असल्याचे बोलले जात आहे. स्मृतीने कमेंटमध्ये ३ हार्ट इमोजी शेअर करून नातेसंबंधाच्या अफवांना हवाे दिली आहे.
स्मृती मानधनाचा बॉयफ्रेंड काय करतो?
स्मृती मंधानाचा प्रियकर पलाश मुच्छालचा जन्म मे १९९५ मध्ये झाला होता आणि तो मध्य प्रदेशातील इंदूरचा आहे. पलाश २००६ मध्ये मुंबईत आला आणि सुरुवातीला काही जाहिरातींमध्ये काम केले. पलाश आणि त्याची मोठी बहीण पलक गरीब मुलांसाठी निधी गोळा करण्यासाठी भारतभर स्टेज शो देखील करतात.
पलाशचा पहिला चित्रपट २०१३ मध्ये प्रदर्शित झालेला ढिश्कियाऊं होता. याशिवाय त्याने काही चित्रपट आणि मालिकांमध्येही काम केले आहे. पण संगीतकार म्हणून त्याला सर्वाधिक ओळख मिळाली आहे.
पलाशने आतापर्यंत टी-सीरीज, झी म्युझिक आणि पल म्युझिकसाठी ४० हून अधिक म्युझिक व्हिडिओंमध्ये काम केले आहे. त्याने रिक्षा नावाची वेब सिरीज दिग्दर्शित केली आहे आणि सध्या तो 'एआरडीएच (ARDH)' नावाचा चित्रपट दिग्दर्शित करत आहे, ज्यामध्ये राजपाल यादव देखील काम करत आहेे.
स्मृती मानधना हिची क्रिकेट कारकीर्द
स्मृती मानधना गेल्या अनेक वर्षांपासून भारतातील अव्वल महिला क्रिकेटपटूंपैकी एक आहे. तिला रॉयल चॅलेंजर्स बंगलोरने महिला प्रीमियर लीगमध्ये ३ कोटी ४० लाख रुपयांना विकत घेतले. ती WPL ची सर्वात महागडी खेळाडू ठरली. तिने आपल्या नेतृत्वाखाली आरसीबी महिला संघाला चॅम्पियन बनवले आहे. तिच्या आंतरराष्ट्रीय कारकिर्दीबद्दल बोलायचे झाले तर, स्मृतीने आतापर्यंत १३५ टी-२० सामन्यांमध्ये २३ अर्धशतकांच्या खेळी खेळून एकूण ३,२६६ धावा केल्या आहेत.
याशिवाय ८५ एकदिवसीय सामन्यांमध्ये त्याच्या नावावर ३५८५ धावा आहेत ज्यात ७ शतके आणि २७ अर्धशतकांचा समावेश आहे. आतापर्यंत ७ कसोटी सामन्यांमध्ये मंधानाने २ शतके आणि ३ अर्धशतकांसह ६२९ धावा केल्या आहेत.
संबंधित बातम्या