Who Is Pratika Rawal: प्रतिका रावल आहे तरी कोण? जिनं भारताकडून मिळालेल्या संधीचं केलं सोनं!

प्रतिका रावलने वयाच्या दहाव्या वर्षी क्रिकेट खेळायला सुरुवात केली. त्यानंतर २०२१ मध्ये ती पहिल्यांदा प्रकाशझोतात आली, जेव्हा तिने देशांतर्गत एकदिवसीय स्पर्धेच्या एका सामन्यात १५५ चेंडूत १६१ धावांची खेळी केली आणि दिल्लीला बाद फेरीत पोहोचवले. या वर्षाच्या सुरुवातीला तिने २३ वर्षांखालील टी-२० ट्रॉफीच्या अंतिम सामन्यात दिल्लीचे नेतृत्व केले. या स्पर्धेत सर्वाधिक धावा करणारी ती दुसरी खेळाडू ठरली. दिल्लीच्या वरिष्ठ संघातही तिने सहज स्थान मिळवले.

दिल्ली प्रीमियर लीगमध्ये प्रतिकाच्या सुधारित पॉवर गेमचे राज्यातील प्रशिक्षक आणि स्काउट्सने खूप कौतुक केले. यानंतर वेस्ट इंडीजविरुद्धच्या एकदिवसीय मालिकेसाठी तिचा भारतीय संघात समावेश करण्यात आला. वेस्ट इंडीजविरुद्धच्या पहिल्या एकदिवसीय सामन्यात भारताची सलामीवीर स्मृती मानधनासह डावाची सुरुवात करण्यासाठी मैदानात आलेल्या प्रतिका रावलने ६९ चेंडूत ४० धावा केल्या. हा सामना भारताने २११ धावांनी जिंकून तीन सामन्यांच्या एकदिवसीय मालिकेत १-० आघाडी घेतली. यानंतर आज खेळल्या जात असलेल्या दुसऱ्या एकिदिवसीय सामन्यात तिने आपल्या खेळात सातत्य ठेवून ७६ धावा केल्या.

महाराष्ट्राचे प्रतिनिधित्व करणाऱ्या असद शाहने दिल्लीत झालेल्या अंडर- १७ राष्ट्रीय बॉक्सिंग स्पर्धेत सुवर्णपदक जिंकले आहे.

वेस्ट इंडिजविरुद्धच्या दुसऱ्या सामन्यातील भारतीय संघ:

स्मृती मानधना, प्रतिका रावल, हरलीन देओल, हरमनप्रीत कौर (कर्णधार), जेमिमाह रॉड्रिग्स, रिचा घोष (यष्टीरक्षक), दीप्ती शर्मा, सायमा ठाकोर, तितास साधू, प्रिया मिश्रा, रेणुका सिंह.

भारताविरुद्धच्या दुसऱ्या सामन्यातील वेस्ट इंडिजचा संघ:

वेस्ट इंडिज संघ: हेली मॅथ्यूज (कर्णधार), कियाना जोसेफ, शमाइन कॅम्पबेल (यष्टीरक्षक), डिआंड्रा डॉटिन, रशादा विल्यम्स, जैदा जेम्स, शाबिका गझनबी, आलिया ॲलन, शमिलिया कोनेल, एफी फ्लेचर, करिश्मा रामहरक.