Virat Kohli-Axar Patel : विल्यमसन बाद होताच विराट कोहली अक्षर पटेलच्या पाया पडला, व्हिडीओ पाहा

मात्र अक्षर पटेल याने आपल्या स्पेलच्या शेवटच्या चेंडूवर केन विल्यमसनला बाद केले. अक्षर पटेलच्या चेंडूवर केन विल्यमसनला यष्टिरक्षक केएल राहुलने यष्टिचित केले. केन विल्यमसनने ८१ धावांची चांगली खेळी केली.

कोहलीने अक्षर पटेलचे चरणस्पर्श केले

अक्षर पटेलने केन विल्यमसनला बाद केले तेव्हा एक संस्मरणीय दृश्य पाहायला मिळाले. खरंतर विराट कोहलीने अक्षर पटेलच्या पायाला स्पर्श केला. अशा प्रकारे विकेट घेतल्याबद्दल विराट कोहलीने अक्षर पटेलचे अभिनंदन केले. आता विराट कोहली आणि अक्षर पटेलचा व्हिडिओ सोशल मीडियावर मोठ्या प्रमाणात व्हायरल होत आहे. याशिवाय सोशल मीडिया यूजर्स कमेंट करून आपला फीडबॅक देत आहेत.

भारताने न्यूझीलंडचा सहज पराभव केला

न्यूझीलंडविरुद्ध प्रथम फलंदाजी करण्यासाठी आलेल्या भारतीय संघाने ९ गडी गमावून २४९ धावा केल्या. भारताकडून श्रेयस अय्यरने सर्वाधिक ७९ धावा केल्या. हार्दिक पांड्याने ४५ धावांची खेळी केली. तर अष्टपैलू अक्षर पटेलने ४२ धावांचे योगदान दिले.

प्रत्युत्तरात न्यूझीलंडचा डाव ४५.३ षटकांत २०५ धावांवर आटोपला. अशाप्रकारे रोहित शर्माच्या नेतृत्वाखालील भारतीय संघाने हा सामना ४४ धावांनी जिंकला. भारताकडून फिरकीपटू वरुण चक्रवर्तीने सर्वाधिक ५ बळी घेतले. वरुण चक्रवर्तीने १० षटकांत ४२ धावांत ५ फलंदाज बाद केले. कुलदीप यादवला २ विकेट मिळाले. तर हार्दिक पांड्या, अक्षर पटेल आणि रवींद्र जडेजा यांनी १-१ विकेट घेतली.