Virat Kohli : कसोटीत २०१९ पर्यंत हिरो असलेला किंग कोहली, २०२० पासून झिरो झाला! जाणून घ्या

याआधी कोहली न्यूझीलंडविरुद्ध खेळल्या गेलेल्या कसोटी मालिकेतही फ्लॉप दिसला होता. कोहली २०२० पासून कसोटीत फ्लॉप ठरत आहे.पण २०१९पर्यंत, तो कसोटी फॉरमॅटचा हिरो होता.

विराट कोहली २०११ ते २०१९ पर्यंत 'हिरो'

विराट कोहलीने २०११ ते २०१९ दरम्यान ८४ कसोटी सामने खेळले, ज्यात त्याने ५४.९७ च्या सरासरीने ७२०२ धावा केल्या. या दरम्यान, कोहलीने २७ शतके झळकावली, ज्यामध्ये त्याची सर्वोच्च धावसंख्या २५४* धावा आहे.

२०२० पासून विराट कोहली ‘झिरो’

यानतंर विराटने २०२० पासून आतापर्यंत (६ जानेवारी २०२५) आतापर्यंत ३९ कसोटी खेळल्या आहेत. या सामन्यांमध्ये त्याने केवळ ३०.७२ च्या सरासरीने २०२८ धावा केल्या. या दरम्यान त्याने केवळ ३ शतके झळकावली, ज्यामध्ये त्याची सर्वोच्च धावसंख्या १८६ धावा आहे. म्हणजेच २०२० पासून कोहलीची कसोटीतील सरासरी जवळपास निम्म्यावर आली आहे.

अशाप्रकारे २०११ ते २०१९ हा काळ विराटसाठी खूपच छान होता. यानंतर कोहली कसोटीत सतत फ्लॉप होताना दिसत आहे. आता कोहली कसोटी फॉरमॅटमध्ये कधी पुनरागमन करतो हे पाहणे उत्सुकतेचे ठरणार आहे.

विराट कोहलीची कसोटी कारकीर्द

विराट कोहलीने आपल्या करिअरमध्ये आतापर्यंत १२३ कसोटी सामने खेळले आहेत. या सामन्यांच्या २१० डावांमध्ये फलंदाजी करताना कोहलीने ४६.८५ च्या सरासरीने ९२३० धावा केल्या आहेत. या दरम्यान, त्याने ३० शतके आणि ३१ अर्धशतके केली आहेत, ज्यामध्ये त्याची सर्वोच्च धावसंख्या २५४* धावा आहे.

कोहलीने कसोटीत आतापर्यंत ३० षटकार आणि १०२७ चौकार मारले आहेत. कोहलीने जून २०११ मध्ये वेस्ट इंडिजविरुद्ध कसोटी पदार्पण केले होते. कसोटी पदार्पण करण्यापूर्वी किंग कोहलीने आंतरराष्ट्रीय क्रिकेटमध्ये प्रवेश केला होता.