Virat Kohli New Home : अलिबागमध्ये किंग कोहलीचा बंगला तयार, व्हिडीओत पाहा अलीशान घराची झलक, किंमतही जाणून घ्या

दरम्यान, याआधी विराट कोहलीने त्याचे एक खास स्वप्न पूर्ण केले. टी-20 विश्वचषक जिंकण्याचे हे स्वप्न होते. टीम इंडियाने २९ जून रोजी T20 विश्वचषक २०२४ चे विजेतेपद पटकावले. 

यानंतर आता कोहलीने त्याच्या आणखी एका स्वप्नाच्या पूर्ततेबद्दल चाहत्यांना सांगितले आहे. वास्तविक, कोहलीचे स्वप्नातील घर पूर्ण झाले आहे. कोहलीने सोशल मीडियावर एक पोस्ट लिहून आपल्या स्वप्नातील घर तयार झाल्याचे सांगितले आहे. या व्हिडिओमध्ये कोहलीने घराबाबत संपूर्ण माहिती दिली आहे.

कोहलीचे हे नवीन घर अलिबागमध्ये आहे. कोहलीच्या या घराबाबत बऱ्याच दिवसांपासून बातम्या येत होत्या. आता कोहलीने स्वतः सांगितले आहे की त्याचे घर पूर्ण झाले आहे. कोहलीने त्याच्या X हँडलवर एक व्हिडिओ पोस्ट केला आहे ज्यामध्ये त्याने या आलिशान बंगल्याची झलक दाखवली आहे.

कोहलीने पोस्ट केलेला व्हिडिओ पाहता या आलिशान बंगल्यात स्विमिंग पूल, एक विशाल गार्डन आणि इतर अनेक सुविधा असल्याचे दिसत आहे. कोहलीने सांगितले की, त्याला या घरात राहण्याची जागा आणि तिथून बाहेर पडण्याचा मार्ग सर्वात जास्त आवडला. व्हिडिओमध्ये घराचे आतील भाग खूपच सुंदर दिसत आहे.

मीडिया रिपोर्ट्सनुसार, या घराची किंमत ३० कोटी रुपयांच्या वर आहे, ज्यामध्ये घर बांधण्यासाठी सुमारे १३ कोटी रुपये खर्च आला आहे, तर कोहलीला येथे सुमारे १९-२० कोटी रुपयांची जमीन मिळाली आहे. कोहलीचा हा बंगला आवास कन्स्ट्रक्शन कंपनीने बांधला असून तो सुमारे २ वर्षांत पूर्ण झाला आहे.

कोहलीने ट्वीटवर लिहिले की, "अलीबागमध्ये आमचे घर बांधण्याचा प्रवास हा एक नितळ अनुभव होता. आमच्या स्वप्नातील घर प्रत्यक्षात आणल्याबद्दल संपूर्ण टीमचे खूप खूप आभार. माझ्या प्रियजनांसोबत येथे प्रत्येक क्षणाचा आनंद घेण्यासाठी मी आतुर आहे.'

कोहलीचे मुंबईतही घर 

कोहलीचे हे तिसरे घर आहे. याशिवाय कोहलीचे मुंबईत आणखी एक आलिशान घर आहे. कोहलीचे गुरुग्राममध्येही उत्तम घर आहे. आता कोहलीने आणखी एक घर बांधले आहे. अलीकडेच कोहलीला लंडनला शिफ्ट झाला आहे, अशी बातमी आली होती पण हा व्हिडिओ समोर आल्यानंतर कोहली या आलिशान बंगल्यात राहण्यास तयार असल्याचे दिसते.