शशांक सिंग ते मोहसीन खान… २० लाखांचे अनकॅप्ड खेळाडू करोडपती झाले, दिवाळीच्या दिवशीच नशीब चमकलं, पाहा

याशिवाय निकोलस पूरन आणि विराट कोहली यांनाही २१-२१ कोटी रुपये मिळाले आहेत. हे तिन्ही खेळाडू कॅप्ड प्लेयर आहेत, म्हणजे त्यांनी आंतरराष्ट्रीय क्रिकेटमध्ये पदार्पण केले आहे. या रिटेन्शनमध्ये असे काही खेळाडू आहेत ज्यांनी आंतरराष्ट्रीय क्रिकेटमध्ये पदार्पण केले नाही पण रिटेन्शनमध्ये  भरपूर पैसे कमावले आहेत. येथे आपण अशाच ५ खेळाडूंबद्दल जाणून घेऊया.

२० लाखांचा आयुष बदोनी ४ कोटींवर पोहोचला 

लखनौ सुपरजायंट्सकडून गेल्या मोसमात खेळलेल्या आयुष बडोनीला गेल्या मोसमात फक्त २० लाख रुपये मिळाले होते, पण संघाने त्याला आयपीएल २०२५ मध्ये कायम ठेवले आहे. बडोनीला अनकॅप्ड खेळाडू म्हणून कायम ठेवण्यात आले असून त्याला ४ कोटी रुपये मिळाले आहेत.

अभिषेक पोरेल

अभिषेक पोरेलने दिल्ली कॅपिटल्सकडून खेळताना चमकदार कामगिरी केली आहे. दिल्ली कॅपिटल्स संघाने अभिषेक पोरेलला अनकॅप्ड खेळाडू म्हणून कायम ठेवले आहे. IPL २०२४ मध्ये अभिषेकचा पगार फक्त २० लाख रुपये होता, पण त्याला ४ कोटी रुपये रिटेनशनमध्ये मिळाले.

मोहसीन खान

आयपीएल २०२४ मध्ये लखनऊ सुपरजायंट्सकडून खेळणारा मोहसीन खानही कोट्यधीश बनला आहे. मोहसीन खानला लखनौ सुपरजायंट्स संघाने गेल्या मोसमात २० लाख रुपयांना विकत घेतले होते, परंतु रिटेन्शनमध्ये मोहसीनला अनकॅप्ड खेळाडू म्हणून ४ कोटी रुपये मिळाले आहेत.

हर्षित राणा

गेल्या मोसमात आपल्या गोलंदाजीने चमक दाखवणाऱ्या हर्षित राणालाही फ्रँचायझीने कायम ठेवले आहे. KKR संघाने IPL २०२५ साठी हर्षित राणाला ४ कोटी रुपये दिले आहेत. IPL २०२४ मध्ये हर्षित राणाला KKR कडून फक्त २० लाख रुपये मिळाले होते. अशाप्रकारे हर्षित राणाही दिवाळीच्या मुहुर्तावर कोट्यधीश झाला आहे.

शशांक सिंग

पंजाब किंग्सने प्रभसिमरन सिंग आणि शशांक सिंगला कायम ठेवले आहे. हे दोन्ही खेळाडू अनकॅप्ड आहेत. पंजाबने २०२४ च्या लिलावात शशांक सिंगला २० लाखांत खरेदी केले होते. पण आता पंजाबने शशांकला ५.५ कोटी रुपये देऊन रिटेन केले आहे.