Netflix New Series : नेटफ्लिक्सवर दिसणार भारत-पाकिस्तान थरार, क्रिकेट संघर्षावर आली वेब सीरीज, पाहा
The Greatest Rivalry India vs Pakistan : नेटफ्लिक्सवर भारत आणि पाकिस्तान क्रिकेट संघर्षाबाबत एक वेबसीरीज आली आहे. चाहते आज ७ फेब्रुवारीपासूनच या वेब सीरीजचा आनंद घेऊ शकतात.
India vs Pakistan Cricket Web Series on Netflix : आयसीसी चॅम्पियन्स ट्रॉफी २०२५ चा थरार १९ फेब्रुवारीपासून रंगणार आहे. पण यापूर्वीच भारत-पाकिस्तान थरार असलेली मोठी सीरीज प्रेक्षकांच्या भेटीला आली आहे. चाहते आजपासून म्हणजे ७ फेब्रुवारीपासूनच या वेब सीरीजचा आनंद घेऊ शकतात.
भारत आणि पाकिस्तान या ही दोन देशांमधील क्रिकेटची रायव्हलरी आणि सामन्यादरम्यान घडलेले किस्से या सीरीजमध्ये दाखवण्यात येणार आहेत. The Greatest Rivalry India vs Pakistan असे या सीरीजचे नाव आहे.
भारत-पाकिस्तान वेबसीरीज Netflix वर दिसणार
The Greatest Rivalry India vs Pakistan ही वेबसीरीज नेटफ्लिक्सवर पाहता येणार आहे. आजपासून म्हणजे ७ फेब्रुवारीपासूनच या वेब सीरीजचे स्ट्रिमिंग सुरू झाले आहे.
तुम्हाला हवे असल्यास, तुम्ही ते एकाच वेळी पूर्णपणे पाहू शकता आणि जर तुमच्याकडे वेळ कमी असेल तर तुम्ही ते काही भागांमध्ये पाहू शकता.
क्रिकेटपटू सांगणार सामन्यांची स्टोरी
भारत-पाकिस्तान क्रिकेट संघर्षासंदर्भात नेटफ्लिक्सवर आलेल्या या सीरीजमध्ये दोन्ही देशांचे क्रिकेटपटू आपापल्या शब्दात सामन्यातील किस्से सांगणार आहेत. भारतातील क्रिकेटपटूंमध्ये सौरव गांगुली, वीरेंद्र सेहवाग, शिखर धवन यासारख्या क्रिकेटपटूंचा समावेश आहे. तर पाकिस्तानच्या बाजूने रमीझ राजा, वकार, शोएब अख्तर अशी मोठी नावे आहेत.
भारत-पाकिस्तान चॅम्पियन्स ट्रॉफीमध्ये भिडणार
आयसीसी स्पर्धांमध्ये भारताचे मुख्यतः पाकिस्तानवर वर्चस्व आहे. पण, जर आपण फक्त चॅम्पियन्स ट्रॉफीबद्दल बोललो तर पाकिस्तान एक पाऊल पुढे दिसतो. चॅम्पियन्स ट्रॉफीमध्ये आतापर्यंत दोघांमध्ये ५ वेळा सामना झाला आहे, ज्यामध्ये पाकिस्तानने ३ वेळा आणि भारताने २ वेळा विजय मिळवला आहे.
चॅम्पियन्स ट्रॉफी २०२५ मध्ये २३ फेब्रुवारीला भारत-पाकिस्तान सामना रंगणार आहे. हा सामना दुबईच्या दुबई आंतरराष्ट्रीय स्टेडियमवर रंगणार आहे.
Rohit Bibhishan Jetnavare
संबंधित बातम्या