न्यूझीलंडने ३-० ने हरवलं, आता टीम इंडिया WTC फायनल कशी खेळणार? समीकरण जाणून घ्या

टीम इंडियाच्या पराभवासह आता संघाला वर्ल्ड टेस्ट चॅम्पियनशिपच्या गुणतालिकेतही मोठा फटका बसला आहे. टीम इंडियाकडून आता नंबर वनचा मुकुट हिसकावून घेण्यात आला आहे. या मालिकेत भारतीय संघ सलग तीन सामने हरला आहे. त्यामुळे टीम इंडियाला आता फायनलमध्ये पोहोचण्यासाठी अनेक अडचणींचा सामना करावा लागणार आहे.

न्यूझीलंडविरुद्ध व्हाईट वॉशचा सामना केल्यानंतर टीम इंडियाने डब्ल्यूटीसी गुणतालिकेतील नंबर-वनचा मुकुट गमावला आहे. रोहित शर्माचा संघ आता ५८.३३ टक्के गुणांसह दुसऱ्या स्थानावर घसरला आहे, तर ऑस्ट्रेलियाला फायदा झाला आहे. पॅट कमिन्सचा संघ आता ६२.५ टक्के गुणांसह पहिल्या स्थानावर पोहोचला आहे. तर न्यूझीलंडने भारतावर विजय मिळवत एका स्थानाची झेप घेतली असून संघ पाचव्या स्थानावरून चौथ्या स्थानावर पोहोचला आहे.

न्यूझीलंडला फायदा झाला

या मालिकेनंतर किवी संघाला खूप फायदा झाला आहे. मालिकेतील तिसऱ्या सामन्यापूर्वी त्यांचा संघ पाचव्या स्थानावर होता. जिथे त्याचा पीसीटी स्कोअर ५० होता, पण या सामन्यातील विजयामुळे त्याचा स्कोर ५४.५५ झाला आणि त्याचा संघ आता चौथ्या स्थानावर आला आहे. दक्षिण आफ्रिकेला फटका बसला आहे. ते आता पाचव्या स्थानावर घसरले आहेत. या एका सामन्यानंतर संपूर्ण पॉइंट टेबल वर-खाली झाले आहे.

डब्ल्यूटीसी फायनलमध्ये पोहोचण्यासाठी भारताला काय करावे लागेल?

टीम इंडियाला या महिन्याच्या अखेरीस ऑस्ट्रेलियाचा दौरा करायचा आहे. जिथे भारताला यजमानसंघाविरुद्ध ५ सामन्यांची बॉर्डर गावस्कर मालिका जिंकावीच लागणार आहे. भारताला डब्ल्यूटीसी फायनलचे तिकीट मिळवायचे असेल तर त्यांना ५ पैकी सर्व सामने जिंकावे लागणार आहेत. होय, पराभवामुळे त्यांच्या अंतिम फेरीचे सर्व दरवाजे बंद होतील. टीम इंडियाचे समीकरण असे आहे की, त्यांना ऑस्ट्रेलियाला त्यांच्या भूमीवर किमान ४ कसोटीत पराभूत करावे लागेल, याशिवाय सामना अनिर्णित राहिला तरी भारताला अंतिम तिकीट मिळू शकते.

भारताने ऑस्ट्रेलियाविरुद्ध ४ कसोटी सामने जिंकले आणि एक गमावला तर त्यांच्या खात्यात जास्तीत जास्त ६४.०३ टक्के गुण जमा होतील.

दुसरीकडे, टीम इंडियाने चार सामने जिंकून सामना ड्रॉ केला तर त्यांच्या खात्यात ६५.७८ टक्के गुण जमा होतील.

डब्ल्यूटीसी गुणतालिकेत पहिल्या क्रमांकावर असलेल्या ऑस्ट्रेलियाला अंतिम तिकीट मिळवायचे असेल तर पुढील ७ पैकी ५ सामने जिंकावे लागतील. घरच्या मैदानावर भारताविरुद्ध च्या ५ सामन्यांच्या कसोटी मालिकेव्यतिरिक्त कांगारूंना श्रीलंकेविरुद्ध घरच्या मैदानावर दोन सामन्यांची मालिकाही खेळायची आहे.

ऑस्ट्रेलियाने ७ पैकी ५ सामने जिंकले तर त्यांच्या खात्यात ६५.७८ टक्के गुण जमा होतील. बांगलादेश मालिकेनंतर दक्षिण आफ्रिका अचानक फायनलच्या शर्यतीत आला आहे. आफ्रिकन संघाने यजमानसंघाचा २-० असा पराभव करत डब्ल्यूटीसीमध्ये २४ महत्त्वाचे गुण मिळवले. दक्षिण आफ्रिका सध्या ५४.१६ टक्के गुणांसह पाचव्या स्थानावर आहे.

आता त्यांचे उर्वरित ४ सामने घरच्या मैदानावर श्रीलंका आणि पाकिस्तानविरुद्ध आहेत. घरच्या मैदानावर दक्षिण आफ्रिकेचा रेकॉर्ड शानदार आहे. जर दक्षिण आफ्रिकेने हे चार सामने जिंकले तर ते जास्तीत जास्त ६९.४४ टक्के गुण मिळवू शकतात. तर तीन सामने जिंकल्यानंतरही त्यांच्या खात्यात ६१.११ गुण जमा होतील.