Indian Cricket Schedule : टीम इंडिया मोठ्या ब्रेकवर, आता या दिवशी मैदानात परतणार, जाणून घ्या

रोहित शर्माच्या नेतृत्वाखालील भारतीय संघ आता ऑगस्टमध्ये एकही सामना खेळणार नाही. सप्टेंबरमध्येही पहिल्या आठवड्यात सामने नाहीत. बांगलादेशचा संघ सप्टेंबरमध्ये भारत दौऱ्यावर येईल. या महिन्यात २ कसोटी सामन्यांची मालिका खेळवली जाईल. ही मालिका वर्ल्ड टेस्ट चॅम्पियनशिपचा भाग असेल, त्यामुळे ती खूप महत्त्वाची असेल. 

म्हणजेच पूर्णपणे फिट असलेले सर्व खेळाडू या मालिकेत खेळताना दिसण्याची शक्यता आहे. या मालिकेतील पहिला सामना १९ सप्टेंबरपासून चेन्नईत होणार आहे. यानंतर या मालिकेतील दुसरा सामना २७ सप्टेंबरपासून कानपूरमध्ये होणार आहे. 

म्हणजेच पुढील महिन्यात भारतीय संघ फक्त दोन आंतरराष्ट्रीय सामने खेळताना दिसणार आहे. 

ऑक्टोबरमध्ये संघाचे वेळापत्रक खूपच व्यस्त 

सप्टेंबरनंतर ऑक्टोबरमध्ये टीम इंडियाचे वेळापत्रक खूप व्यस्त असणार आहे. ऑक्टोबर महिन्यात बांगलादेशविरुद्ध टी-२० मालिका आहे. यानंतर न्यूझीलंडचा संघ भारत दौऱ्यावर येणार आहे. म्हणजेच ऑक्टोबरमध्येच सामने सातत्याने होताना दिसतील. म्हणजे खेळाडू पूर्णपणे विश्रांती घेऊन आणि नव्या तयारीने मैदानात उतरतील. 

दरम्यान, सर्वात मोठी गोष्ट म्हणजे या वर्षी भारत फक्त ३ एकदिवसीय सामने खेळला आहे, जे श्रीलंकेत खेळले गेले होते, त्यानंतर वर्षभरात एकही वनडे नाही.

पुढील वर्षी फेब्रुवारीमध्ये जेव्हा इंग्लंडचा संघ भारत दौऱ्यावर येईल तेव्हाच एकदिवसीय सामने होणार आहेत. यानंतर लगेचच चॅम्पियन्स ट्रॉफी सुरू होईल. म्हणजेच भारताकडे तयारीसाठी फक्त ३ सामने शिल्लक आहेत.