Gautam Gambhir : दिल्लीत १५ कोटींचे घर, अलीशान गाड्यांचे कलेक्शन, टीम इंडियाचा कोच गौतम गंभीरची एकूण संपत्ती किती? वाचा
गौतम गंभीर टीम इंडियाचा नवा मुख्य प्रशिक्षक झाला आहे. गंभीरची एकूण संपत्ती किती आहे आणि तो वर्षाला किती कमावतो जाणून घ्या.
टी-20 विश्वचषक २०२४ नंतर राहुल द्रविडने भारतीय संघाचे मुख्य प्रशिक्षकपद सोडले. आता भारतीय क्रिकेट नियामक मंडळाने (BCCI) भारतीय क्रिकेट संघाच्या मुख्य प्रशिक्षकपदाची जबाबदारी गौतम गंभीरकडे दिली आहे.
गंभीर आता प्रशिक्षकपदाची जबाबदारी स्वीकारणार आहे, पण याआधी त्याने आयपीएलमध्ये कॉमेंट्री आणि मेंटॉरशिप करून खूप कमाई केली आहे. याशिवाय गंभीरने अनेक कंपन्यांमध्ये मोठी गुंतवणूक केली आहे. चला तर मग जाणून घेऊया भारतीय संघाच्या नवीन मुख्य प्रशिक्षकाची एकूण नेटवर्थ काय आहे आणि त्यांच्याकडे किती संपत्ती आहे.
गौतम गंभीरची अंदाजे एकूण संपत्ती
गौतम गंभीर हा जगातील सर्वात श्रीमंत क्रिकेटपटूंपैकी एक मानला जातो. त्याची एकूण संपत्ती २६५ कोटी रुपये आहे. तो केवळ क्रिकेटमधूनच नव्हे तर ब्रँड प्रायोजकत्व आणि अनेक व्यवसायांमध्ये गुंतवणूक करून भरपूर कमाई करतो. छोटे व्यवसाय, रेस्टॉरंट आणि रिअल इस्टेटमध्येही त्याची गुंतवणूक आहे.
स्टार स्पोर्ट्ससाठी कॉमेंट्री आणि क्रिकेट मीडियाशी संबंधित काम करून गंभीर १.५ कोटी रुपये कमावतो. २०१९ च्या लोकसभा निवडणुकीत गंभीर पूर्व दिल्लीतून खासदार म्हणून निवडून आला होता. त्यावेळी त्याने निवडणूक आयोगासमोर आपले वार्षिक उत्पन्न १२.४ कोटी रुपये असल्याचे जाहीर केले होते.
दिल्लीतील राजिंदर नगरमध्ये १५ कोटी रुपयांचे घर
गौतम गंभीरचे दिल्लीतील राजिंदर नगर भागात एक आलिशान घर आहे, ज्याची किंमत अंदाजे १५ कोटी रुपये आहे. याशिवाय त्याच्याकडे ग्रेटर नोएडा येथील जेपी विश टाऊनमध्ये ४ कोटी रुपयांचा प्लॉट आहे. त्याचा मलकापूर गावात एक कोटी रुपयांचा प्लॉटही आहे. याशिवाय त्याच्याकडे ५ किलो चांदी आहे.
आयपीएलमधून २५ कोटींची कमाई
गौतम गंभीरने शेवटचा सामना २०१८ मध्ये आयपीएलमध्ये खेळला होता, जेव्हा त्याला एक हंगाम खेळण्यासाठी २.८ कोटी रुपये मिळाले होते. पण आयपीएल २०२४ मध्ये तो कोलकाता नाईट रायडर्समध्ये मार्गदर्शक म्हणून सामील झाला. गंभीरने IPL २०२४ मध्ये मार्गदर्शक म्हणून काम करण्यासाठी २५ कोटी रुपये घेतले होते.
तर IPL मधील सर्वात महागडा खेळाडू मिचेल स्टार्क आहे, ज्याला KKR ने २४.७५ कोटींना विकत घेतले. गंभीरने एकही सामना न खेळता आयपीएलमधील खेळाडूंपेक्षा जास्त कमाई केली आहे.
गौतम गंभीरचे कार कलेक्शन
भारताचा माजी क्रिकेटपटू गौतम गंभीरला अलीशान गाड्यांचीही आवड आहे. लक्झरी वाहनांबद्दल बोलायचे झाले तर त्याच्याकडे ऑडी Q5 आणि BMW 530d देखील आहे. त्याच्या कार कलेक्शनमध्ये टोयोटा कोरोला आणि महिंद्रा बोलेरो स्टिंगर देखील आहेत. असे म्हटले जाते की त्याच्याकडे मर्सिडीज GLS 350D देखील आहे, ज्याची बाजारातील किंमत सुमारे ८८ लाख रुपये आहे.
संबंधित बातम्या