क्रिकेट विश्वातील सर्वात लोकप्रिय प्रकार मानला जाणाऱ्या टी-२० क्रिकेटचा विश्वचषक १ जूनपासून अमेरिका व वेस्ट इंडिजच्या भूमीवर रंगणार आहे. २९ जूनपर्यंत ही स्पर्धा चालेल. यात एकूण ५५ सामने खेळवले जातील. ओमान, पापुआ न्यू गिनी, यूएसए, कॅनडा, युगांडा, नामिबिया, आयर्लंड आणि नेपाळ हे संघ विश्वचषकात खेळत आहेत.

वेस्ट इंडिज आणि यूएसए हे यजमान असून हे दोन्ही संघ स्पर्धेसाठी थेट पात्र ठरले आहेत. जागतिक क्रमवारीत पहिल्या आठमध्ये असलेले भारत, इंग्लंड, पाकिस्तान, न्यूझीलंड, ऑस्ट्रेलिया, दक्षिण आफ्रिका, नेदरलँड्स आणि श्रीलंका हे संघही स्पर्धेसाठी थेट पात्र ठरले आहेत. त्यानंतर अफगाणिस्तान आणि बांगलादेशनेही स्पर्धेत प्रवेश केला आहे. युरोपमधून आयर्लंड आणि स्कॉटलंड, पूर्व आशिया-पॅसिफिकमधून पापुआ न्यू गिनी, अमेरिकेच्या क्वालिफायरमधून कॅनडा, आशियातील नेपाळ आणि ओमान, आफ्रिकेतून नामिबिया आणि युगांडा पात्र ठरले आहेत.

टी-२० विश्वचषक २०२४ मध्ये एकूण २० संघ सहभागी होत आहेत. हे चार गटांमध्ये विभागले गेले आहेत. प्रत्येक गटात पाच संघ आहेत.

अ गट - भारत, पाकिस्तान, कॅनडा, आयर्लंड, अमेरिका

ब गट - इंग्लंड, ऑस्ट्रेलिया, नामिबिया, स्कॉटलंड, ओमान

क गट - न्यूझीलंड, वेस्ट इंडिज, अफगाणिस्तान, पापुआ न्यू गिनी, युगांडा

ड गट - दक्षिण आफ्रिका, श्रीलंका, बांगलादेश, नेदरलँड, नेपाळ

पहिल्या फेरीतील टीम इंडियाच्या सामन्यांचं वेळापत्रक पुढीलप्रमाणे आहे.

भारत विरुद्ध आयर्लंड - ५ जून रात्री ८ वाजता (न्यूयॉर्क)

भारत विरुद्ध पाकिस्तान - ९ जून रात्री ८ वाजता (न्यूयॉर्क)

भारत विरुद्ध अमेरिका - १२ जून रात्री ८ वाजता (न्यूयॉर्क)

भारत विरुद्ध कॅनडा - १५ जून रात्री ८ वाजता (लँडरहिल)

टी-२० विश्वचषक २०२४ स्पर्धेतील गुणतालिकेचा विचार केल्यास यावेळी टी-२० वर्ल्ड कप लीग स्टेज, सुपर ८, सेमीफायनल आणि फायनल फॉरमॅटमध्ये होणार आहे. लीग टप्प्यात, प्रत्येक गटातील टॉपचे २ संघ सुपर ८ साठी पात्र ठरतात. तिथे ८ संघ दोन गटात विभागले जाणार असून प्रत्येक गटातून दोन संघ उपांत्य फेरीत जाणार आहेत.

साखळी फेरीत विजयासाठी दोन गुण, टाय किंवा रद्द झाल्यास एक गुण आणि पराभवासाठी शून्य गुण दिले जातील. पुढील फेरीत जाण्यासाठी नेट रन रेटही महत्त्वाचा असेल. प्रथम सुपर ८ मध्ये चार गट आणि दोन गट आहेत. गुणतालिका सामन्यानुसार बदलत जाईल. गुणतालिकेतील बदल आणि इतर सर्व माहिती हिंदुस्तान टाइम्स मराठीवर पाहता येईल.