hardik pandya : ड्रेसिंग रूममध्ये हार्दिक पंड्याची भाषणबाजी, खचलेल्या खेळाडूंमध्ये भरला जोश, व्हिडीओ पाहा

आयपीएल २०२४ मध्ये बुधवारी झालेल्या सामन्यात हैदराबादने २० षटकात २७७ धावांची विक्रमी धावसंख्या उभारली. यानंतर चाहत्यांनी हार्दिक पांड्याला त्याच्या खराब कॅप्टन्सीमुळे सोशल मीडियावर तुफान ट्रोल केले.

IPL 2024 Points Table : गुणतालिकेत खतरनाक बदल, हैदराबाद टॉप ४ मध्ये, तर मुंबईची सर्वात वाईट अवस्था

मात्र, हार्दिक पंड्याने याकडे दुर्लक्ष करत ड्रेसिंग रुममध्ये संघाचे मनोबल उंचावण्याचा प्रयत्न केला. मुंबई इंडियन्सने याचा व्हिडिओ शेअर केला आहे.

हार्दिक पांड्याचा व्हिडिओ व्हायरल

यावेळी हार्दिक पांड्याने फलंदाज आणि गोलंदाजांना प्रोत्साहन देत त्यांचे मनोबल वाढवण्याचा प्रयत्न केला. संघाला पाठिंबा देताना नवा कर्णधार म्हणाला की, सनरायझर्सचे फलंदाज सातत्याने धावा करत होते. पण आपण आपल्या जबाबदारीपासून पळ काढला नाही. प्रत्येकाने चांगली कामगिरी करण्याचा प्रयत्न केला.

६ विकेट पडल्या तरी धोनी फलंदाजीला का येत नाही? सीएसकेच्या बॅटिंग कोचनं दिलं उत्तर

कोणीही आपल्या जबाबदारीपासून पळ काढला नाही

हार्दिक म्हणाला, सर्वात मजबूत सैनिकांना सर्वात कठीण परीक्षेला सामोरे जावे लागते आणि आपण स्पर्धेतील सर्वात तगडा संघ आहोत. फलंदाजी करताना आपण जे काही साध्य केले आहे ते कौतुकास्पद आहे. आपल्या गोलंदाजांचा मला खरोखर अभिमान आहे. दिवस कठीण असतानाही मला कोणी पळताना दिसले नाही. प्रत्येकाला त्यांच्या हातात चेंडू हवा होता, मला वाटते की ही चांगली गोष्ट आहे. चला हे सुनिश्चित करूया की आपण एकमेकांना सतत मदत करू, काहीही झाले तरी आपण एकत्र राहू".

मुंबई १ एप्रिलला राजस्थानला भिडणार

हैदराबादविरुद्ध मुंबईकडून तिलक वर्मा, ईशान किशन आणि रोहित शर्मा यांनी चांगली कामगिरी केली. यांच्या जोरावरच मुंबई लक्ष्याच्या जवळ पोहोचली. २७७ धावांच्या प्रत्युत्तरात मुंबईने २४६ धावा केल्या. दरम्यान, मुंबई इंडियन्सचा पुढचा सामना १ एप्रिल रोजी राजस्थान रॉयल्सशी होणार आहे.