Video : बाद असलेल्या फलंदाजाला थर्ड अंपायरनं नाबाद ठरवलं, बांगलादेशचा रडीचा डाव
SL vs BAN 2ND t20 : या सामन्यात श्रीलंकेने प्रथम फलंदाजी करताना २० षटकांत ५ गडी गमावून १६५ धावा केल्या. प्रत्युत्तरात बांगलादेशने ११ चेंडू बाकी असताना ८ गडी राखून सामना जिंकला.
श्रीलंका आणि बांगलादेश यांच्यात टी-20 मालिका (SL vs BAN 2ND t20) खेळली जात आहे. या मालिकेतील दुसऱ्या सामन्यात बांगलादेशने श्रीलंकेचा ८ गडी राखून पराभव करत मालिकेत १-१ अशी बरोबरी साधली आहे. पहिल्या T20 सामन्यात श्रीलंकेने बांगलादेशचा ३ धावांनी पराभव केला होता. यानंतर आता बांगलादेशने दुसऱ्या सामन्यातून दमदार पुनरागमन केले.
या सामन्यात श्रीलंकेने प्रथम फलंदाजी करताना २० षटकांत ५ गडी गमावून १६५ धावा केल्या. प्रत्युत्तरात बांगलादेशने ११ चेंडू बाकी असताना ८ गडी राखून सामना जिंकला.
पण, या सामन्यात एक विचित्र घटना घडली. बांगलादेशच्या डावात सौम्या सरकार (Soumya Sarkar) झेलबाद झाला होता. पण थर्ड अंपायरने त्याला नाबाद घोषित केले. आता या निर्णयावरून चांगलाच वाद निर्माण झाला आहे.
नेमकं काय घडलं?
वास्तविक, सौम्या सरकारने १४ व्या षटकात वेगवान गोलंदाज बिनोरुच्या चेंडूवर मोठा फटका खेळण्याचा प्रयत्न केला. पण चेंडू बॅटला लागून विकेटकीपरच्या हातात गेला. विकेटकीपर आणि गोलंदाजाने झेलबादचे अपील केले. मैदानावरील पंचांनी सौम्या सरकारला झेलबाद दिले. पण यानंतर सरकारने रिव्ह्यू घेतला. रिव्ह्यूमध्येदेखील चेंडू बॅटला लागल्याचे दिसत होते.
पण असे असूनही थर्ड अंपायरने फलंदाजाला नॉट आऊट घोषित केले. थर्ड अंपायरने मैदानावरील अंपायरला आपला बादचा निर्णय बदलून नाबाद घोषित करायला सांगितले.
या निर्णयामुळे श्रीलंकेचे खेळाडू चांगलेच संतप्त झाले होते. तसेच, आता हे प्रकरण सोशल मीडियावर चर्चेचा विषय बनले आहे.
दरम्यान, हा प्रसंग घडला त्या वेळी सौम्या १० चेंडूत १४ धावांवर फलंदाजी करत होती. यानंतर २२ चेंडूत २६ धावा करून तो बाद झाला. सौम्याने आपल्या खेळीत ५ चौकार मारले.
१६६ धावांचा पाठलाग करताना बांगलादेशची सुरुवात चांगली झाली. लिटन आणि सौम्या यांच्यात पहिल्या विकेटसाठी ६८ धावांची भागीदारी झाली आणि त्यानंतर नजमुलने ५३ धावा केल्या. तौहिद ह्रदॉयने ३२ धावांची खेळी खेळली आणि अशा प्रकारे बांगलादेशने दुसऱ्या टी-20 सामन्यात श्रीलंकेचा ८ गडी राखून पराभव केला.
