CSK vs LSG : आयपीएल २०२४ मध्ये असं पहिल्यांदाच घडलं! 'या' चुकीसाठी ऋतुराज गायकवाड आणि केएल राहुलला दंडाचा दणका

केएल राहुल आणि ऋतुराज गायकवाड या दोन्ही कर्णधारांची ही पहिलीच चूक असल्यानं त्यांना हा दंड ठोठावण्यात आला आहे. त्यांनी ही चूक पुन्हा केल्यास दंडाची रक्कम वाढवली जाईल, तर तिसऱ्यांदा असं केल्यास दोन्ही कर्णधारांना प्रत्येकी एका सामन्याच्या बंदीला सामोरं जावं लागू शकतं.

हेही वाचा: केएल राहुल-डी कॉकसमोर सीएसकेची गोलंदाजी फेल... होमग्राऊंडवर लखनौ सुपरचा विजय

आतापर्यंत यांना बसलाय दंडाचा दणका

चालू स्पर्धेत षटकांची गती कमी राखल्यामुळं ऋषभ पंत याला याआधी दोनदा दंड ठोठावण्यात आला आहे. तर, संजू सॅमसन, शुभमन गिल आणि हार्दिक पंड्याला प्रत्येकी एकदा दंड ठोठावण्यात आला आहे.

बीसीसीआयच्या प्रसिद्धी पत्रकात काय?

भारतीय क्रिकेट नियामक मंडळानं (BCCI) या संदर्भात प्रसिद्धी पत्रक काढलं आहे. आयपीएल आचारसंहितेनुसार दोन्ही कर्णधारांवर ही कारवाई करण्यात आल्याचं पत्रकात म्हटलं आहे. लखनऊ सुपर जायंट्स आणि चेन्नई सुपर किंग्सचा आयपीएल २०२४ मधील ही पहिलीच चूक आहे. त्यामुळं दोन्ही कर्णधारांना प्रत्येकी १२ लाखांचा दंड करण्यात आलाय. ही चूक त्यांनी पुन्हा केल्यास प्रत्येकी २४ लाख रुपयांचा दंड आकारला जाईल आणि संघातील इतर खेळाडूंनाही शिक्षा भोगावी लागेल. दोन्ही संघातील उर्वरित खेळाडूंना ६ लाख रुपये किंवा मॅच फीच्या २५ टक्के रक्कम (यापैकी जी कमी असेल) दंड म्हणून आकारली जाईल.

हेही वाचा: स्टार्कपासून डॅरिल मिशेलपर्यंत, आयपीएलमध्ये फ्लॉप ठरलेल्या खेळाडूंची यादी

तिसऱ्यांदा हीच चूक केल्यास…

संघांनी तिसऱ्यांदा ही चूक केली तर कर्णधारांवर प्रत्येकी ३० लाख रुपयांच्या दंडासह एका सामन्यासाठी बंदी घालण्यात येईल आणि संघातील उर्वरित खेळाडूंना (कर्णधार वगळता) प्रत्येकी १२ लाख रुपये किंवा त्यांच्या मॅच फीच्या ५० टक्के (यापैकी जी कमी असेल) दंड आकारला जाईल.

प्ले-ऑफमुळं संघांवर दबाव

आयपीएल २०२४ ची प्राथमिक फेरी जवळपास संपली असून आता प्लेऑफमध्ये स्थान मिळवण्यासाठी संघांमध्ये जोरदार चुरस आहे. दावेदार अनेक असल्यामुळं संघांवर दबाव वाढत चालला आहे. संघांना त्यांची षटके पूर्ण करण्यासाठी लागत असलेल्या वेळावरूनच याचा अंदाज बांधता येऊ शकतो.

हेही वाचा: हा नियम नाही तर खेळाडूंची बर्बादी… कसं ते झहीर खानने समजून सांगितलं, वाचा