मराठी बातम्या  /  क्रिकेट  /  रोहित शर्माची पत्नी रितिका सजदेहचं पॅलेस्टाईनला समर्थन, ट्रोल झाल्यावर पोस्ट हटवली; जाणून घ्या संपूर्ण प्रकरण

रोहित शर्माची पत्नी रितिका सजदेहचं पॅलेस्टाईनला समर्थन, ट्रोल झाल्यावर पोस्ट हटवली; जाणून घ्या संपूर्ण प्रकरण

May 29, 2024 02:05 PM IST

रोहित शर्माची पत्नी रितिका सजदेहसह अनेक भारतीय सेलिब्रिटींनी पॅलेस्टाईनला पाठिंबा दर्शवण्यासाठी 'ऑल आयज ऑन रफा' पोस्ट केले. मात्र, रितिका सजदेह ट्रोल झाली आहे.

रोहित शर्माची पत्नी रितिका सजदेहला तिच्या 'ऑल आइज ऑन रफाह' इंस्टाग्राम स्टोरीवरून ट्रोल करण्यास सुरुवात केली.
रोहित शर्माची पत्नी रितिका सजदेहला तिच्या 'ऑल आइज ऑन रफाह' इंस्टाग्राम स्टोरीवरून ट्रोल करण्यास सुरुवात केली. (Instagram/@ritssajdeh)

Ritika Sajdeh Trolled: टीम इंडियाचा कर्णधार रोहित शर्माची पत्नी रितिका सजदेह तिच्या इंस्टाग्राम अकाऊंटवरून आपल्या कुटुंबाची छायाचित्रे पोस्ट केली. परंतु, मंगळवारी तिने एक इन्स्टा स्टोरी पोस्ट केली, ज्यामुळे ती वादाच्या भोवऱ्यात अडकली. रितिकाने आपल्या इन्स्टाग्राम स्टोरीमध्ये 'ऑल आयज ऑन रफा' पोस्ट करत पॅलेस्टाईनचे समर्थन केले. सोशल मीडियावर ट्रोल झाल्यानंतर तिने इन्स्टाग्राम स्टोरी डिलीट केली.

ट्रेंडिंग न्यूज

ट्रोल झाल्यानंतर रितिका सजदेहकडून इन्स्टा स्टोरी डिलीट

गाझाच्या दक्षिणेकडील रफा शहरात रविवारी इस्रायलने केलेल्या गोळीबार आणि हवाई हल्ल्यात ४५ हून अधिक जण ठार झाल्यानंतर सोशल मीडिया वापरकर्ते पॅलेस्टाईनसोबत एकजूट दर्शविण्यासाठी ऑल आयज ऑन रफा हे खास वाक्य शेअर करत आहेत. मात्र, यामुळे रितिकाला अनेकांनी ट्रोल केले. सीएनबीसीने दिलेल्या वृत्तानुसार, रितिकाने ही स्टोरी डिलीट केली.

बॉलिवूड सेलिब्रिटींचा पॅलेस्टाईनच्या लोकांना पाठिंबा

अनेक ए-लिस्ट बॉलिवूड सेलिब्रिटींनीही पॅलेस्टाईनच्या लोकांना पाठिंबा दर्शवला. यात करिना कपूर, आलिया भट्ट, वरुण धवन, तृप्ती डिमरी, सामंथा प्रभू, फातिमा सना शेख, स्वरा भास्कर आणि दिया मिर्झा अशा नावांचा समावेश आहे.

रफाहच्या समर्थनार्थ सोशल मीडियावर ही पोस्ट केली जात आहे.
रफाहच्या समर्थनार्थ सोशल मीडियावर ही पोस्ट केली जात आहे. (Screengrab)

इस्रायलने रफावर हल्ला, ४५ जण ठार, २०० हून अधिक जण जखमी

हमासने तेल अवीव भागात रॉकेट डागल्यानंतर काही तासांतच इस्रायलने रफावर हल्ला चढवला. शहरातील विस्थापितांच्या तंबू छावणीवर झालेल्या हवाई हल्ल्यात ४५ जण ठार झाले. तर, २०० हून अधिक जण जखमी झाले. इस्रायलच्या लष्कराने सांगितले की, दक्षिण रफाह भागात झालेल्या हल्ल्यात हमासचे दोन दहशतवादी ठार झाले. इराणसह अनेकांनी 'ऑल आयज ऑन रफा' हे वाक्य शेअर करून या हल्ल्याचा निषेध केला आहे.

हमासचे सध्या इस्रायलशी युद्ध सुरू असल्याची टीका

गाझावर नियंत्रण ठेवणाऱ्या हमासचे सध्या इस्रायलशी युद्ध सुरू असल्याची टीका केली आहे. गेल्या वर्षी ७ ऑक्टोबर रोजी या संघटनेने गाझाची सीमा ओलांडून इस्रायलमध्ये घुसून शेकडो लोकांना ठार केले होते आणि अनेकांना बंधक बनवले होते.

टी-२० वर्ल्डकप २०२४