मराठी बातम्या  /  क्रिकेट  /  T20 World Cup Final : रोहित शर्माच्या आईची इन्स्टा स्टोरी प्रचंड चर्चेत, भारत चॅम्पियन झाल्यावर काय म्हणाल्या? पाहा

T20 World Cup Final : रोहित शर्माच्या आईची इन्स्टा स्टोरी प्रचंड चर्चेत, भारत चॅम्पियन झाल्यावर काय म्हणाल्या? पाहा

Jun 30, 2024 05:05 PM IST

rohit sharma mother purnima instagram story : भारतीय कर्णधार रोहित शर्माची आई पूर्णिमा शर्मा यांची इन्स्टाग्राम स्टोरी मोठ्या प्रमाणात व्हायरल होत आहे. वास्तविक, त्यांनी त्यांच्या इंस्टाग्राम स्टोरीमध्ये रोहित शर्मा आणि भारतीय चाहत्यांना दाखवले आहे.

रोहित शर्माच्या आईची इन्स्टा स्टोरी प्रचंड चर्चेत, भारत चॅम्पियन झाल्यावर काय म्हणाल्या? पाहा
रोहित शर्माच्या आईची इन्स्टा स्टोरी प्रचंड चर्चेत, भारत चॅम्पियन झाल्यावर काय म्हणाल्या? पाहा

भारतीय संघ विश्वविजेता ठरल्यानंतर देशभरातील चाहते जल्लोष करत आहेत. तत्पूर्वी, शनिवारी (२९ जून) रात्री उशिरा देशातील विविध शहरांमध्ये मोठ्या संख्येने चाहत्यांनी रस्त्यावर उतरून जल्लोष साजरा केला. भारतीय संघाच्या विजयानंतर सोशल मीडियावर अनेक फोटो आणि व्हिडिओ व्हायरल होत आहेत.

त्याचवेळी, आता भारतीय कर्णधार रोहित शर्माची आई पूर्णिमा शर्मा यांची इन्स्टाग्राम स्टोरी मोठ्या प्रमाणात व्हायरल होत आहे. वास्तविक, त्यांनी त्यांच्या इंस्टाग्राम स्टोरीमध्ये रोहित शर्मा आणि भारतीय चाहत्यांना दाखवले आहे.

या इंस्टाग्राम स्टोरीमध्ये रोहित शर्मा ट्रॉफी हातात धरलेला दिसत आहे. रोहित शर्मासोबत स्टेडियममध्ये भारतीय चाहत्यांची मोठी गर्दी दिसून येत आहे. तसेच, त्याने फोटो कॅप्शनमध्ये लिहिले आहे की, जय हिंद भारत... याशिवाय एआर रहमान आणि श्रीनिवास यांचे चले चलो हे गाणे वाजत आहे.

ट्रेंडिंग न्यूज

सामन्यात काय घडलं?

टी-20 वर्ल्डकप २०२४ च्या अंतिम सामन्यात भारताने नाणेफेक जिंकून फलंदाजीचा निर्णय घेतला होता. प्रथम फलंदाजीसाठी आलेल्या टीम इंडियाची सुरुवात चांगली झाली नाही. रोहित शर्मा, ऋषभ पंत आणि सूर्यकुमार यादव झटपट पॅव्हेलियनमध्ये परतले, पण यानंतर विराट कोहली आणि अक्षर पटेलच्या बळावर भारताने २० षटकांत ७ गडी गमावून १७६ धावा केल्या. विराट कोहलीने ५९ चेंडूत सर्वाधिक ७६ धावा केल्या.

त्याचवेळी भारताच्या १७६ धावांना प्रत्युत्तर देताना दक्षिण आफ्रिकेचा संघ २० षटकांत ८ गडी गमावून १६९ धावा करू शकला. अशा प्रकारे टीम इंडियाने ७ धावांनी रोमहर्षक विजय नोंदवला. दक्षिण आफ्रिकेसाठी हेनरिक क्लासेनने २७ चेंडूत सर्वाधिक ५२ धावा केल्या, पण तो संघाचा पराभव टाळू शकला नाही.

WhatsApp channel