IND vs AUS : गाबाच्या मैदानावर रोहित-विराटचा रेकॉर्ड कसा आहे? यावेळी पुजारा नाही, ब्रिस्बेन कसोटी जिंकणं कठीणच!

आता भारत आणि ऑस्ट्रेलिया यांच्यातील तिसरा कसोटी सामना ब्रिस्बेन क्रिकेट स्टेडियमवर खेळवला जाणार आहे. जो १४ ते १८ डिसेंबर दरम्यान खेळवला जाईल. पण याआधी ब्रिस्बेन क्रिकेट स्टेडियमवर रोहित शर्मा आणि विराट कोहलीचा रेकॉर्ड कसा आहे, हे जाणून घेणे महत्वाचे आहे.

ब्रिस्बेनमध्ये विराट कोहलीचा रेकॉर्ड

कसोटी: विराट कोहलीने ऑस्ट्रेलियातील ब्रिस्बेन येथील गाबा क्रिकेट मैदानावर आतापर्यंत फक्त एकच कसोटी सामना खेळला आहे. २०१४ मध्ये त्याने हा एकमेव कसोटी सामना खेळला होता. या कसोटी सामन्यात विराट कोहलीने दोन डाव खेळले. ज्यामध्ये त्याने १० च्या सरासरीने २० धावा केल्या.

नवीन वर्षात टीम इंडियाचं वेळापत्रक कसं असेल? पहिला टी-20 आणि वनडे कधी आणि कोणासोबत? पाहा

वनडे : विराट कोहलीने गाबा क्रिकेट मैदानावर ४ एकदिवसीय सामने खेळले आहेत. या ४ एकदिवसीय सामन्यांमध्ये त्याने ७७ च्या स्ट्राईक रेटने १४१ धावा केल्या आहेत. यामध्ये दोन अर्धशतकांचा समावेश आहे.

टी-20 : विराट कोहलीचा गाब्बा क्रिकेट ग्राऊंडवरचा टी-20 रेकॉर्ड खूपच खराब आहे. कोहलीने या मैदानावर एकच टी-२० सामना खेळला आहे. ज्यामध्ये त्याने ५० च्या स्ट्राईक रेटने फक्त ४ धावा केल्या आहेत.

ब्रिस्बेनमध्ये रोहित शर्माचा रेकॉर्ड

कसोटी: रोहित शर्माने २०१४ आणि २०२१ मध्ये ब्रिस्बेन क्रिकेट मैदानावर दोन कसोटी सामने खेळले आहेत. या दोन कसोटी सामन्यांमध्ये त्याने ४ डाव खेळले आहेत. ज्यामध्ये रोहित शर्माने २०.८ च्या सरासरीने ८३ धावा केल्या आहेत.

Indian Cricket : भारतीय क्रिकेटचा जन्मदाता कोण माहितीय का? पठ्ठ्यानं त्या काळात ७२ शतकं ठोकली!

वनडे : रोहित शर्माने ब्रिस्बेन क्रिकेट ग्राउंडवर ५ एकदिवसीय सामने खेळले आहेत. या ५ सामन्यात त्याने ८५ च्या स्ट्राईक रेटने १५५ धावा केल्या आहेत. यात एका अर्धशतकाचाही समावेश आहे.

टी-20: ब्रिस्बेन क्रिकेट ग्राउंडवर टी-20 मध्ये रोहित शर्माचे आकडेही खूपच खराब आहेत. रोहितने या मैदानावर फक्त एकच टी-२० सामना खेळला आहे. ज्यामध्ये त्याने ८७.५ च्या स्ट्राईक रेटने फक्त ७ धावा केल्या आहेत.