Rishabh Pant : कसोटीत टी-20 चा तडका, ऋषभ पंतचं २९ चेंडूत अर्धशतक, सिडनीत केला मोठा विक्रम

पंतने आक्रमक फलंदाजी करत ३३ चेंडूत ६ चौकार आणि ४ षटकारांच्या मदतीने ६१ धावा केल्या. या काळात त्याचा स्ट्राइक रेट १८४.८५ होता. पंतमुळे टीम इंडियाने पाचवी विकेट गमावली.

ऋषभ पंतचा विक्रम

पंतने २९ चेंडूत आपले अर्धशतक पूर्ण केले. यापूर्वी, २०२२ मध्ये, त्याने बेंगळुरूमध्ये श्रीलंकेविरुद्ध खेळल्या गेलेल्या सामन्यात २८ चेंडूत अर्धशतक पूर्ण केले होते. यासह तो भारतासाठी कसोटीत सर्वात जलद अर्धशतक करणारा सर्वात वेगवान फलंदाज बनला होता.

मी कधी रिटायर व्हायचं हे लॅपटॉप, पेन आणि कागद घेऊन बसलेले लोक ठरवणार का? रोहित शर्माची स्फोटक मुलाखत

आता सिडनी कसोटीत २९ चेंडूत अर्धशतक पूर्ण करून पंत पुन्हा एकदा आपल्याच विक्रमाच्या जवळ आला आहे. माजी कर्णधार कपिल देव या यादीत तिसऱ्या क्रमांकावर आहे, कपिलने १९८२ मध्ये पाकिस्तानविरुद्ध कराचीमध्ये ३० चेंडूत अर्धशतक झळकावले होते.

भारतासाठी कसोटीतील सर्वात वेगवान अर्धशतक

२८ ऋषभ पंत  श्रीलंकाविरुद्ध, बेंगळुरू, २०२२

२९ ऋषभ पंत ऑस्ट्रेलियाविरुद्ध, सिडनी, २०२५

३० कपिल देव पाकिस्तानविरुद्ध, कराची, १९८२

३१ शार्दुल ठाकूर  इंग्लंडविरुद्ध, ओव्हल, २०२१

३१ यशस्वी जैस्वाल बांगलादेशविरुद्ध, कानपूर, २०२४.

या मालिकेत ऋषभ पंत फ्लॉप

पंतने या बॉर्डर-गावस्कर ट्रॉफीच्या पाचही कसोटी खेळल्या. पंत पहिल्या चार कसोटीत फ्लॉप झाला आणि त्याच्या बॅटमधून एकही अर्धशतक आले नाही. आता पाचव्या कसोटीत भारताच्या दुसऱ्या डावात पंतने मालिकेतील पहिले अर्धशतक झळकावले. या मालिकेत पंतने ९ डावात अनुक्रमे ३७, ०१, २१, २८, ०९, २८, ३०, ४० आणि ६१ धावा केल्या.