Ravindra Jadeja : नेहमी घोड्यासारखं धावत राहिलो… निवृत्ती घेताना जड्डू काय म्हणाला? 'फेअरवेल पोस्ट' व्हायरल
Ravindra Jadeja Retirement : विराट कोहली आणि रोहित शर्मानंतर अष्टपैलू रवींद्र जडेजाने टी-२० फॉरमॅटला अलविदा केला आहे. रवींद्र जडेजा आता फक्त वनडे आणि कसोटीत खेळत राहणार आहे.
विराट कोहली आणि रोहित शर्मानंतर अष्टपैलू रवींद्र जडेजाने टी-२० फॉरमॅटला अलविदा केला आहे. रवींद्र जडेजा आता फक्त वनडे आणि कसोटीत खेळत राहणार आहे.
शनिवारी (२९ जून) भारतीय संघाने दक्षिण आफ्रिकेचा पराभव करून टी-२० विश्वचषक जिंकला. या विजयानंतर विराट कोहली आणि रोहित शर्मा यांनी T20 फॉरमॅटमधून निवृत्ती जाहीर केली. यासोबतच आता या यादीत रवींद्र जडेजाचेही नाव जोडले गेले आहे. अशाप्रकारे टी-२० विश्वचषकाचे जेतेपद पटकावल्यानंतर तीन महान भारतीय क्रिकेटपटूंनी या फॉरमॅटला अलविदा केला आहे.
रवींद्र जडेजाने इंस्टाग्रामवर टी-२० विश्वचषकाची ट्रॉफी पोस्ट केली आहे. या पोस्टच्या कॅप्शनमध्ये त्याने लिहिले आहे, 'मनापासून कृतज्ञतेसह, मी T20 आंतरराष्ट्रीय करिअरला अलविदा म्हणत आहे. अभिमानाने धावणाऱ्या दृढ घोड्याप्रमाणे मी माझ्या देशासाठी नेहमीच माझे सर्वोत्तम दिले आहे. मी माझ्या देशासाठी नेहमीच १०० टक्के देत राहीन... T20 विश्वचषक जिंकणे हे एक स्वप्न सत्यात उतरले आहे, आठवणी, उत्साह आणि अतूट पाठिंब्याबद्दल धन्यवाद".
रवींद्र जडेजाची आंतरराष्ट्रीय टी-20 कारकीर्द
रवींद्र जडेजा पहिल्यांदा T20 विश्वचषक २००९ मध्ये खेळला, त्यानंतर तो भारताकडून तिन्ही फॉरमॅटमध्ये खेळत राहिला. या अष्टपैलू खेळाडूने ७४ टी-20 सामन्यांमध्ये भारतीय संघाचे प्रतिनिधित्व केले. ज्यामध्ये एक फलंदाज म्हणून त्याने २१.४६ च्या सरासरीने आणि १२७ च्या स्ट्राईक रेटने ५१५ धावा केल्या. त्याच वेळी, रवींद्र जडेजाने भारतासाठी गोलंदाज म्हणून टी-20 सामन्यांमध्ये ७.६२ इकॉनॉमी आणि २९.८५ च्या सरासरीने ५४ बळी घेतले.
संबंधित बातम्या