IND vs BAN : कपिल देव, अश्विनला जमलं नाही, ते रवींद्र जडेजानं केलं, कानपूर कसोटीत केला ‘हा’ खास पराक्रम

सामना सुरू झाला आणि भारतीय खेळाडूंनी चमकदार कामगिरी करत प्रेक्षकांना जल्लोष करण्याची संधी दिली. खेळाच्या चौथ्या दिवशी बांगलादेशच्या पहिल्या डावात रवींद्र जडेजाला फक्त एक विकेट मिळाली, पण ही एक विकेट मिळताच त्याने भारताच्या महान कर्णधार कपिल देव आणि आर अश्विन यांच्या यादीत प्रवेश केला.

रवींद्र जडेजाने कसोटीत इतिहास रचला

वास्तविक, २७ सप्टेंबरपासून कानपूर कसोटीला सुरुवात झाली, मात्र पहिल्याच दिवशी पावसामुळे सामना लवकर थांबवावा लागला. त्यानंतर दुसऱ्या आणि तिसऱ्या दिवशीचा खेळ पावसामुळे रद्द करावा लागला. पण चौथ्या दिवशी सामना वेळेवर सुरू झाला आणि दुसऱ्या सत्रात भारतीय गोलंदाजांनी बांगलादेशच्या संपूर्ण संघाला बाद केले.

संपूर्ण भारतीय संघ मिळून केवळ २३३ धावा करू शकला. दरम्यान, बांगलादेशच्या डावातील शेवटची विकेट रवींद्र जडेजाने घेतली. त्याने बांगलादेशच्या खलील अहमदला आपला बळी बनवले. एक विकेट घेण्यासोबतच त्याने आपल्या कसोटी कारकिर्दीतील ३०० वी कसोटी विकेटही घेतली. 

यासह, तो आता भारताच्या निवडक खेळाडूंच्या यादीत सामील झाला आहे ज्यांनी ३०० बळी घेतले आहेत आणि कसोटी क्रिकेटमध्ये तीन हजारांहून अधिक धावा केल्या आहेत.

रवींद्र जडेजाने ३०० बळी पूर्ण करताच इम्रान खान आणि कपिल देव सारख्या दिग्गजांना मागे सोडले. जडेजाने ७४ व्या कसोटीतच ३००० हून अधिक धावा आणि ३००० विकेट्स घेण्याचा पराक्रम केला, तर इम्रान खानने ७५ कसोटीत आणि कपिल देवने ८३ कसोटीत ३ हजार धावा आणि ३०० विकेट घेण्याची कामगिरी केली होती.

तर इयान बोथम यांनी ७२ कसोटीत ३०० विकेट आणि ३००० हजार धावा करण्याचा पराक्रम केला. 

भारतासाठी कसोटीत ३००० धावा आणि ३०० बळी घेणारे खेळाडू

१) कपिल देव- ५२४८ धावा आणि ४३४ विकेट

२) आर अश्विन- ३४२२ धावा आणि ५२२ विकेट्स

३) रवींद्र जडेजा- ३१२२ धावा आणि ३०० विकेट्स

कसोटीत सर्वात जलद ३०० धावा आणि ३०० बळी घेणारे खेळाडू

१) इयान बोथम- ७२ सामने

२) रवींद्र जडेजा- ७४ सामने

३) इम्रान खान- ७५ सामने

४) कपिल देव- ८३ सामने