Punjab Kings Captain : पंजाब किंग्सचा नवा कर्णधार कोण होणार? ऋषभ पंतसह हे तीन खेळाडू प्रीती झिंटाच्या टार्गेटवर

संघ फक्त एकदाच २०१४ मध्ये अंतिम फेरीत पोहोचला होता, परंतु ट्रॉफीपासून दूर राहिला. सततच्या अपयशाने हताश झालेल्या मालकांनी संघाचे नावही बदलले (जुने नाव किंग्स इलेव्हन पंजाब), पण नशीब बदलू काही शकले नाही.

हा संघ जवळपास प्रत्येक मोसमात आपले प्रशिक्षक आणि कर्णधार बदलत असतो, कदाचित यामुळेच खेळाडू कधीही त्यांच्या मनाने संघाशी एकमनाने जुडू शकले नाहीत. शिखर धवनच्या निवृत्तीनंतर पंजाब किंग्ज पुन्हा एकदा नव्या कर्णधाराच्या शोधात आहे. अशा परिस्थितीत, फ्रँचायझी लिलावात कोणते खेळाडू विकत घेतील आणि कोणत्या खेळाडूंना आपला कर्णधार बनवतील हे जाणून घेण्याचा प्रयत्न करूया.

एडन मार्करम

सनरायझर्स हैदराबादने आयपीएल २०२ मध्ये एडन मार्कराम याची कर्णधार म्हणून नियुक्ती केली. पण तो संघ सांभाळू शकला नाही आणि शेवटच्या स्थानावर राहून हंगामाचा शेवट केला. संघाला १४ पैकी फक्त ४ सामने जिंकता आले. 

पण मार्करामला कर्णधारपद माहित नाही असे नाही. उजव्या हाताच्या दक्षिण आफ्रिकेच्या फलंदाजाने सनरायझर्स इस्टर्न केपला २०२३ आणि २०२४ मध्ये सलग SA20 विजेतेपद मिळवून दिले. प्रोटीज संघाचे टी-20 विश्वचषकाच्या अंतिम फेरीत नेतृत्व करणारा तो पहिला कर्णधार ठरला. अशा परिस्थितीत तो पंजाब किंग्जचे कर्णधारपद सांभाळण्यासाठी योग्य खेळाडू ठरू शकतो.

श्रेयस अय्यर

श्रेयस अय्यरच्या नेतृत्वाखाली कोलकाता नाईट रायडर्सने १० वर्षांनंतर विजेतेपद पटकावले. पण केकेआरने श्रेयस अय्यरला यालाच बाहेरचा रस्ता दाखवला. केकेआरने ६ खेळाडूंना कायम ठेवले आहे, त्यामुळे पर्सची सध्याची परिस्थिती आणि अय्यरचा दर्जा पाहता हे दोघे पुन्हा लिलावात एकत्र येतील असे वाटत नाही.

मुंबईच्या फलंदाजाने आपल्या कर्णधार कौशल्याने आणि व्यवस्थापकीय कौशल्याने तज्ञांना तसेच चाहत्यांना प्रभावित केले आहे. पंजाब किंग्जला त्याच्यासारख्या तगड्या खेळाडूची अव्वल क्रमवारीत गरज आहे.

श्रेयसच्या फलंदाजीत काही उणिवा असू शकतात कारण शॉर्ट पिच बॉलिंग विरुद्ध त्याच्या समस्या सर्वश्रुत आहेत. तथापि, तो देशातील सर्वोत्तम फिरकी खेळणाऱ्या फलंदाजांपैकी एक आहे. कोलकाता नाइट रायडर्स व्यतिरिक्त, २९ वर्षीय अय्यरने आयपीएल २०२० मध्ये दिल्ली कॅपिटल्सचे नेतृत्व केले आणि संघाला अंतिम फेरीत नेले. आयपीएलमध्ये कर्णधार म्हणून श्रेयसने ७० पैकी ३८ सामने जिंकले आहेत आणि २९ सामने गमावले आहेत, त्याची विजयाची टक्केवारी ५४.२९ आहे.

ऋषभ पंत

या यादीत जर कोणाचे नाव आघाडीवर असेल तर ते म्हणजे ऋषभ पंत याचे. दिल्लीचे मुख्य प्रशिक्षक असलेले पाँटिंग आता पंजाब किंग्जमध्ये सामील झाल्यामुळे रिकी पाँटिंग हे त्याचे प्रमुख कारण मानले जात आहे. दुसरीकडे, आयपीएल २०१६ पासून दिल्लीचा भाग असलेल्या ऋषभ पंतला संघात न ठेवण्याचा निर्णय व्यवस्थापनाने घेतला आहे.

त्याने आयपीएल २०२१, २०२२ आणि २०२४ मध्ये संघाचे नेतृत्व केले. हा यष्टीरक्षक-फलंदाज लिलावात सर्वाधिक बोली लावणाऱ्या खेळाडूंपैकी एक असणार आहे. अनेक फ्रँचायझी त्याला आपल्या गटात सामील करून घेण्यास उत्सुक आहेत. खब्बू फलंदाजाने ४३ सामन्यांमध्ये कॅपिटल्सचे नेतृत्व केले, २३ सामने जिंकले. १९ सामन्यांत पराभवाला सामोरे जावे लागले. २७ वर्षीय खेळाडूचे अद्याप जाण्याचे वय आहे, त्यामुळे तो कोणत्याही फ्रँचायझीमध्ये गेला तरी तो आपला वारसा तयार करू शकतो.