IND VS ENG : या ४ मोठ्या खेळाडूंना विश्रांती... इंग्लंडविरुद्धच्या टी-20 मालिकेसाठी अशी असू शकते टीम इंडिया, पाहा
Indian Squad vs England : इंग्लंडविरुद्धच्या टी-20 मालिकेसाठी भारतीय संघाची लवकरच घोषणा होणार आहे. दोन्ही संघांमध्ये २२ जानेवारीपासून ५ टी-20 सामन्यांची मालिका खेळवली जाणार आहे.
भारतीय संघाला पुढच्या महिन्यात आयसीसी चॅम्पियन्स ट्रॉफी २०२५ खेळायची आहे आणि यासाठी लवकरच संघाची निवड होणार आहे. १२ जानेवारीपर्यंत संघाची घोषणा केली जाईल, असे मानले जात आहे, परंतु त्यासोबतच इंग्लंडविरुद्धच्या टी-20 आणि एकदिवसीय मालिकेसाठीही संघ जाहीर केला जाणार आहे.
रिपोर्ट्समध्ये असा दावा केला जात आहे की आयसीसी चॅम्पियन्स ट्रॉफी सारख्या मोठ्या स्पर्धेच्या पार्श्वभूमीवर, निवडकर्ते टी-20 मालिकेत काही मोठ्या नावांना विश्रांती देऊ शकतात.
मीडिया रिपोर्ट्सनुसार, सिडनी कसोटीच्या दुसऱ्या डावात दुखापत झालेला जसप्रीत बुमराह भारतीय संघासाठी महत्त्वाचा आहे, त्यामुळे तो एकदिवसीय आणि टी-२० मालिकेतून बाहेर राहण्याची शक्यता आहे. त्याचा सहकारी मोहम्मद सिराज सतत क्रिकेट खेळत आहे. त्यालाही विश्रांती दिली जाऊ शकते.
सोबतच ऑस्ट्रेलियात सर्वाधिक धावा करणारा भारतीय सलामीवीर यशस्वी जैस्वाल आणि शुभमन गिल हे देखील टी-20 मालिकेतून बाहेर राहू शकतात. हे सर्वजण चॅम्पियन्स ट्रॉफीमध्ये भारतीय संघाचा भाग असण्याची शक्यता आहे.
तथापि, सूर्यकुमार यादव याच्या नेतृत्वाखाली अक्षर पटेल आणि हार्दिक पंड्या खेळताना दिसू शकतात, जे ODI फॉरमॅटमध्ये ICC चॅम्पियन्स ट्रॉफीचा भाग बनणे जवळजवळ निश्चित आहे. चेन्नई सुपर किंग्ज आणि राजस्थान रॉयल्सचे कर्णधार अनुक्रमे ऋतुराज गायकवाड आणि संजू सॅमसन हेही मैदानात उतरतील.
तर तिलक वर्मा, रिंकू सिंग, वरुण चक्रवर्ती हे देखील इंग्लंडविरुद्धच्या टी-20 मालिका देखील दिसणार आहेत. तसेच, प्रसिद्ध कृष्णा, अर्शदीप सिंग, यश दयाल आणि हर्षित राणा देखील वेगवान गोलंदाजी असतील.
इंग्लंडविरुद्धच्या टी-20 मालिकेसाठी संभाव्य भारतीय संघ
सूर्यकुमार यादव (कर्णधार), ऋतुराज गायकवाड, संजू सॅमसन (यष्टीरक्षक), तिलक वर्मा, रिंकू सिंग, हार्दिक पंड्या, अक्षर पटेल, रवी बिश्नोई, वरुण चक्रवर्ती, जितेश शर्मा (यष्टीरक्षक), प्रसिद्ध कृष्ण, अर्शदीप सिंग, यश दयाल, रमणदीप सिंग, अभिषेक शर्मा, हर्षित राणा.
संबंधित बातम्या