मराठी बातम्या  /  क्रिकेट  /  IND vs PAK : शाहीन आफ्रिदीला अमेरिकेत भारतीय चाहत्यांनी घेरलं, पुढे काय घडलं? तुम्हीच पाहा

IND vs PAK : शाहीन आफ्रिदीला अमेरिकेत भारतीय चाहत्यांनी घेरलं, पुढे काय घडलं? तुम्हीच पाहा

Jun 08, 2024 10:36 PM IST

Shaheen Afridi Interected With Indian Fans : भारत-पाकिस्तान सामन्यापूर्वी पाकिस्तानी वेगवान गोलंदाज शाहीन आफ्रिदीचा एक व्हिडीओ सोशल मीडियावर मोठ्या प्रमाणात व्हायरल होत आहे. वास्तविक, शाहीन आफ्रिदी अमेरिकेत भारतीय चाहत्यांसोबत दिसत आहे.

IND vs PAK : शाहीन आफ्रिदीला अमेरिकेत भारतीय चाहत्यांनी घेरलं, पुढे काय घडलं? तुम्हीच पाहा
IND vs PAK : शाहीन आफ्रिदीला अमेरिकेत भारतीय चाहत्यांनी घेरलं, पुढे काय घडलं? तुम्हीच पाहा (AFP)

टी-20 विश्वचषक सुरु झाला आहे. भारतीय संघाने आयर्लंडला हरवून आपल्या मोहिमेला शानदार सुरुवात केली आहे. त्याचवेळी बाबर आझमच्या नेतृत्वाखालील पाकिस्तानला अमेरिकेविरुद्ध पराभवाला सामोरे जावे लागले.

ट्रेंडिंग न्यूज

या पराभवानंतर बाबर आझम आणि पाकिस्तान क्रिकेट संघाच्या खेळाडूंवर प्रचंड टीका होत आहे. मात्र, आता भारत आणि पाकिस्तानचे संघ ९ जूनला आमनेसामने येणार आहेत. न्यूयॉर्कमधील नासाऊ काउंटी स्टेडियमवर दोन्ही संघ भिडतील.

शाहीन आफ्रिदीचा व्हिडिओ व्हायरल

भारत-पाकिस्तान सामन्यापूर्वी पाकिस्तानी वेगवान गोलंदाज शाहीन आफ्रिदीचा एक व्हिडीओ सोशल मीडियावर मोठ्या प्रमाणात व्हायरल होत आहे. वास्तविक, शाहीन आफ्रिदी अमेरिकेत भारतीय चाहत्यांसोबत दिसत आहे. सोशल मीडियावर व्हायरल झालेल्या व्हिडिओमध्ये भारतीय चाहते शाहीन आफ्रिदीच्या अवतीभवती दिसत असल्याचे पाहायला मिळत आहे.

हा व्हिडिओ सोशल मीडियावर मोठ्या प्रमाणात व्हायरल होत आहे. याशिवाय सोशल मीडिया यूजर्स कमेंट करून आपला फीडबॅक देत आहेत.

यामध्ये काही चाहते शाहीनला विराट-रोहितला गोलंदाजी करताना त्यांना आपला मित्र समजून गोलंदाजी कर असे सांगताना दिसत आहेत. हा मजेशीर व्हिडीओ चांगलाच व्हायरल होत असून, तो लोकांना चांगलाच आवडला आहे.

भारताचे कौतुक तर पाकिस्तानी संघावर टीका

भारतीय संघाने आयर्लंडचा ८ विकेटने पराभव केला. अशाप्रकारे रोहित शर्माच्या नेतृत्वाखालील टीम इंडियाने स्पर्धेची शानदार सुरुवात केली. त्याचवेळी पाकिस्तानला अमेरिकेविरुद्ध पराभवाला सामोरे जावे लागले. या पराभवानंतर बाबर आझमच्या नेतृत्वाखालील पाकिस्तानी संघावर सातत्याने प्रश्न उपस्थित केले जात आहेत. मात्र, भारताविरुद्ध पाकिस्तान कशी कामगिरी करतो हे पाहणे उत्सुकतेचे ठरणार आहे. भारत आणि पाकिस्तान व्यतिरिक्त अमेरिका आणि कॅनडा या गटात आहेत.

भारत-पाकिस्तान संभाव्य प्लेइंग इलेव्हन

भारत: रोहित शर्मा (कर्णधार), विराट कोहली, संजू सॅमसन, सूर्यकुमार यादव, शिवम दुबे, ऋषभ पंत (यष्टीरक्षक), हार्दिक पंड्या, रवींद्र जडेजा, कुलदीप यादव, जसप्रीत बुमराह, अर्शदीप सिंग.

पाकिस्तान: मोहम्मद रिझवान (विकेटकीपर), बाबर आझम (कर्णधार), उस्मान खान, फखर जमान, आझम खान, इफ्तिखार अहमद, शादाब खान, शाहीन शाह आफ्रिदी, हरिस रौफ/मोहम्मद अमीर, नसीम शाह, अबरार अहमद.

टी-२० वर्ल्डकप २०२४