IND vs NZ : मुंबई कसोटीत टीम इंडियाची प्रथम गोलंदाजी, बुमराह-सँटनर बाहेर, पाहा दोन्ही संघांची प्लेइंग इलेव्हन

या सामन्यासाठी भारतीय संघात मोठे बदल करण्यात आले आहेत. वेगवान गोलंदाज जसप्रीत बुमराह हा सामना खेळत नाही. त्याच्या जागी मोहम्मद सिराजचा समावेश करण्यात आला आहे. दुसरीकडे, ईश सोढी आणि मॅट हेन्री यांचा न्यूझीलंड संघात समावेश झाला आहे. मिचेल सँटनर आणि टिम साउथी या सामन्याचा भाग नाहीत.

दोन्ही प्लेइंग इलेव्हन

भारत- यशस्वी जैस्वाल, रोहित शर्मा (कर्णधार), शुभमन गिल, विराट कोहली, ऋषभ पंत (विकेटकीपर), सरफराज खान, रवींद्र जडेजा, वॉशिंग्टन सुंदर, रविचंद्रन अश्विन, आकाश दीप, मोहम्मद सिराज.

न्यूझीलंड- टॉम लॅथम (कर्णधार), डेव्हॉन कॉवी, विल यंग, ​​रचिन रवींद्र, डॅरिल मिशेल, टॉम ब्लंडेल (विकेटकीपर), ग्लेन फिलिप्स, इश सोधी, मॅट हेन्री, एजाझ पटेल, विल्यम ओ'रुर्के.

पीच रिपोर्ट

मुंबई टेस्टसाठी वानखेडे स्टेडिमयच्या पीचवर थोडे गवत असून पहिल्या दिवशी हे पिच बॅटिंगसाठी अनुकूल असेल. दुसऱ्या दिवसापासून हे पिच स्पिन बॉलर्सला मदत करेल.

वानखेडेवर एजाज पटेलने १० विकेट्स घेतल्या होत्या

भारत आणि न्यूझीलंड यांच्यात यापूर्वी डिसेंबर २०२१ मध्ये वानखेडे स्टेडियमवर कसोटी सामना झाला होता. त्या मॅचमध्ये भारताने न्यूझीलंडचा ३७२ रन्सनी दणदणीत पराभव केला होता. स्पिन बॉलिंगला मदत करणाऱ्या पिचवर न्यूझीलंडची इनिंग ६२ आणि १६७ धावांत गारद झाली होती.

टीम इंडियाने पहिल्या डावात ३२५ तर दुसऱ्या डावात ७ बाद २७६ धावा केल्या होत्या. आर. अश्विनने दोन्ही डावात मिळून ८ बळी घेतले होते. न्यूझीलंडकडून एजाज पटेलनं पहिल्या इनिंगमध्ये सर्व १० विकेट्स घेण्याची ऐतिहासिक कामगिरी केली होती. त्याने दुसऱ्या डावातही ४ विकेट्स घेतल्या होत्या.