कोरोनानंतर क्रिकेटमध्ये किती बदल झाला? या नव्या नियमांमुळे क्रिकेटची रंगत वाढली की कमी झाली? तुम्हीच सांगा
Cricket New Rules : क्रिकेटमध्ये पहिला सामना १८७७ मध्ये खेळला गेला. तेव्हापासून या खेळात अनेक बदल झाले आहेत.
१५ ते १९ मार्च आणि वर्ष १९८७ साली आंतरराष्ट्रीय क्रिकेटमधील पहिला कसोटी सामना खेळला गेला. तेव्हापासून या गेममध्ये नियमांसह अनेक गोष्टी बदलल्या आहेत. १९७१ मध्ये जेव्हा एकदिवसीय स्वरूपाची सुरुवात झाली तेव्हा झटपट क्रिकेटचेही आगमन झाले. २२ यार्डच्या खेळपट्टीवर खेळल्या जाणाऱ्या या खेळाचे नियम प्रत्येक फॉरमॅटनुसार बदलत राहिले.
जगभरात पसरलेल्या कोविड-१९ महामारीने क्रिकेटचे अनेक नियमही बदलले आहेत. आजच्या या स्टोरीमध्ये आपण गेल्या काही वर्षांत भारताचा आवडता खेळ किती बदलला आहे आणि कोणते नवीन नियम लागू केले आहेत याबद्दल बोलणार आहोत.
चेंडूवर थुंकी लावण्यास बंदी
कोविड-१९ पूर्वी, गोलंदाज बॉलची चमक टिकवण्यासाठी थुंकी वापरत असत. तथापि, कोविडच्या वेळी त्यावर बंदी घालण्यात आली होती आणि भविष्यातही हाच निर्णय कायम ठेवणे आयसीसीने योग्य मानले.
नवीन फलंदाज स्ट्राइक घेईल
क्रिकेटमध्ये, आधी फलंदाज झेलबाद झाल्यानंतर, नॉन-स्ट्रायकरचा फलंदाज स्ट्राइक घेऊ शकत होता. पण आता नव्या फलंदाजालाच स्ट्राइक घ्यावी लागेल, असा नियम बनवण्यात आला आहे.
मंकडिंग रनआउट ठरणार
आयपीएल आणि त्यानंतर आंतरराष्ट्रीय क्रिकेटमध्ये मॅनकडिंगबाबत बराच गदारोळ झाला होता. वास्तविक, जेव्हा फलंदाज बॉलरने चेंडू टाकण्याआधीच क्रीज सोडली असेल आणि अशा स्थितीत गोलंदाजाने फलंदाजाला धावबाद केल्यास तो धावबाद होईल. पूर्वी मनकडिंगला स्पोर्ट्स स्पिरिटच्या विरुद्ध मानले जात होते. पण आता नवीन नियमांनुसार मॅनकाडिंगला खेळाच्या भावनेविरुद्ध मानले जात नाही आणि आयसीसीने आता त्याला रनआउट असे नाव दिले आहे.
फलंदाजी करणाऱ्या संघावर दंड
आयसीसीच्या नवीन नियमानुसार, आता जर गोलंदाज रनअपसाठी धावत येत असतील आणि त्यादरम्यान फलंदाजी करणाऱ्या संघाने किंवा फलंदाजाने कोणतेही अनुचित प्रकार किंवा वर्तन केले, तर अशा स्थितीत पंच फलंदाजीवर ५ धावांचा दंड लावतील. यासोबतच तो चेंडूही डेड बॉल घोषित केला जाईल.
स्लो ओव्हर रेट
ICC स्लो ओव्हर रेटबाबत खूप कडक झाले आहे. याआधीही कर्णधार आणि संघाला स्लो ओव्हर रेटसाठी दंड ठोठावण्यात येत होता. मात्र, आता नव्या नियमानुसार संघ वेळेत षटक पूर्ण करू नाही शकल्यास कर्णधाराला ३० यार्डांच्या आत एक क्षेत्ररक्षक आणावा लागेल. हा नियम पहिल्यांदा T-20 क्रिकेटमध्ये लागू करण्यात आला होता, पण आता तो ODI मध्येही दिसणार आहे.
एका षटकात दोन बाउन्सर
क्रिकेटच्या खेळात संतुलन राखण्यासाठी, आयसीसी गोलंदाजाला एका षटकात दोन बाऊन्सर टाकण्याची परवानगी देते. यापूर्वी गोलंदाजाला एका षटकात एकच बाऊन्सर टाकण्याची परवानगी होती.
कनकशन सब्स्टिट्यूटचा नियम
फलंदाजी किंवा गोलंदाजी करताना मैदानावर एखादा खेळाडू जखमी झाला तर त्याची जागा नवा खेळाडू घेऊ शकतो. मैदानावर खेळाडूंना होणाऱ्या दुखापती लक्षात घेऊन आयसीसीने हा नियम लागू केला आहे. तथापि, लक्षात घेण्यासारखी गोष्ट अशी आहे की नवीन खेळाडूला Concussion Substitute असे संबोधले जाईल. यात गोलंदाजाच्या जागी गोलंदाज आणि फलंदाजाच्या जागी फलंदाज येऊ शकतात.
संबंधित बातम्या