NEP vs ENG Highlights : नेपाळ क्रिकेट संघानं इतिहास घडवला, इंग्लंडला अवघ्या ४.२ षटकात धुळ चारली

नेपाळकडून संदीप जोराने सर्वाधिक धावा केल्या. १२ चेंडूत ५० धावा करून संदीप जोरा निवृत्त झाला. त्याने आपल्या खेळीत ३ चौकार आणि ६ षटकार मारले. याशिवाय राशिद खान ५ चेंडूत २१ धावा करून नाबाद राहिला. राशिद खानने आपल्या खेळीत २ चौकार आणि २ षटकार मारले. तर लोकेश बामने ११ चेंडूत २० धावा केल्या.

इंग्लंडकडून रवी बोपाराने १२ चेंडूत सर्वाधिक ४९ धावा केल्या. त्याने आपल्या खेळीत १ चौकार आणि ७ षटकार मारले. तर समित पटेल १७ चेंडूत ३९ धावा करून पॅव्हेलियनमध्ये परतला. त्याने आपल्या खेळीत ३ चौकार आणि ३ षटकार मारले.

मात्र, या दोन फलंदाजांशिवाय इतर इंग्लिश फलंदाजांनी निराशा केली. इंग्लंडचा सलामीवीर ॲलेक्स डेव्हिस शून्यावर बाद झाला. त्याचवेळी जॉर्डन थॉम्पसन एकही धाव न काढता बाद झाला. एडवर्ड जॉर्ज बर्नार्डने ४ चेंडूत ५ धावा केल्या. रवी बोपारा आणि समित पटेल यांच्याशिवाय इतर इंग्लिश फलंदाजांना दुहेरी आकडा पार करता आला नाही.

नेपाळची शानदार गोलंदाजी

नेपाळच्या गोलंदाजांबद्दल बोलायचे तर प्रतिश घर्ती छेत्री हा सर्वात यशस्वी गोलंदाज ठरला. प्रतिश घर्ती छेत्रीने २ षटकात १८ धावा देत ३ बळी घेतले. नारायण जोशी, लोकेश बाम आणि बिबेक यादव यांना प्रत्येकी १ विकेट मिळाला.