हार्दिक पंड्यानं चाखली विजयाची चव, मुंबई इंडियन्सच्या बुमराह-कोएत्झीने उडवला दिल्लीचा धुव्वा

आयपीएल २०२४ चं संपूर्ण वेळापत्रक पाहण्यासाठी इथं क्लिक करा!

चालू मोसमातील म्हणजेच आयपीएल २०२४ मधील मुंबई इंडियन्सचा हा पहिलाच विजय आहे. याआधी मुंबई इंडियन्सने सलग तीन सामने गमावले होते. दिल्ली कॅपिटल्सचा ५ सामन्यांमधला हा चौथा पराभव ठरला.

२३५ धावांच्या लक्ष्याचा पाठलाग करताना दिल्ली कॅपिटल्सकडून ट्रिस्टन स्टब्सने २५ चेंडूत नाबाद ७१ धावा केल्या, पण तो संघाला विजय मिळवून देऊ शकला नाही. सातत्याने विकेट पडल्यामुळे रिक्वायर्ड रेटही वाढत राहिला, त्यामुळे दिल्लीचे काम कठीण झाले. 

आयपीएल २०२४ ची गुणतालिका पाहण्यासाठी क्लिक करा

स्टब्सने आपल्या खेळीत ७ षटकार आणि ३ चौकार लगावले. सलामीवीर पृथ्वी शॉनेही ६६ धावांची खेळी खेळली. 

तर जसप्रीत बुमराहने मुंबई इंडियन्ससाठी अतिशय धारदार गोलंदाजी केली. बुमराहने २२ धावांत २ विकेट घेतल्या. मात्र, जेराल्ड कोएत्झी हा सर्वाधिक यशस्वी गोलंदाज ठरला आणि त्याने ४  विकेट मिळवल्या.

मुंबईचा डाव

प्रथम फलंदाजीस आलेल्या मुंबईच्या सलामीवीरांनी शानदार सुरुवात केली. रोहित शर्मा (४९) आणि इशान किशन (४२) यांनी पहिल्या विकेटसाठी ७ षटकात ८० धावांची भागिदारी केली.

वडील IPS अधिकारी तर मुलगा गोलंदाजांसाठी विलन... मुंबईकडून खेळलेला शशांक सिंग आहे तरी कोण? पाहा

यानंतर टीम डेव्हिडने २१ चेंडूंत ४ षटकार आणि २ चौकारांसह नाबाद ४५ धावा केल्या. शेवटी आलेल्या रोमारियो शेफर्डने १० चेंडूत नाबाद ३९ धावा केल्या. शेफर्डने आपल्या खेळीत ३ चौकार आणि ४ षटकार मारले.

डावाचे शेवटचे षटक एनरिक नॉर्खियाने टाकले. या षटकात शेफर्डने एकूण ३२ धावा केल्या. डेव्हिड आणि शेफर्ड या दोघांनी १३ चेंडूत ५३ धावांची भागीदारी केली.

मुंबईने शेवटच्या ५ षटकांत एक गडी गमावून ९६ धावांचा पाऊस पाडला. वानखेडेतील ही मुंबईतील सर्वोच्च धावसंख्या आहे. नॉर्खियाने ४ षटकांत दोन बळी घेत ६५ धावा दिल्या.