MS Dhoni : सीएसकेने धोनीला रिटेन केलं तर कोट्यवधी रुपयांचं नुकसान होणार, थालाला किती पगार मिळणार? जाणून घ्या
MS Dhoni Salary IPL 2025 : चेन्नई सुपर किंग्जने जर धोनीला अनकॅप्ड खेळाडू म्हणून कायम ठेवले तर धोनीचे मोठे नुकसान होणार आहे. अशा परिस्थितीत धोनीचा सुमारे ६६ टक्के पगार कपात होईल.
आयपीएल २०२५ च्या मेगा लिलावापूर्वी संघ किती खेळाडूंना रिटेन करू शकतात, याचे चित्र स्पष्ट झाले आहे. संघांना आता एकूण ६ खेळाडू कायम ठेवता येणार आहे. त्यात एक अनकॅप्ड आणि ५ कॅप्ड खेळाडूंचा समावेश असेल.
जर आपण महेंद्रसिंह धोनीबद्दल बोललो तर चेन्नई सुपर किंग्ज त्याला अनकॅप्ड खेळाडू म्हणून संघात कायम ठेवू शकतो. असे झाल्यास धोनीचे कोट्यवधी रूपयांचे नुकसान होईल. याचे कारण अनकॅप्ड खेळाडूंचे मूल्य केवळ ४ कोटी रुपये ठेवण्यात आले आहे.
वास्तविक, आयपीएलमधील भारतीय खेळाडूंसाठी नवा नियम आला आहे. जर एखाद्या कॅप्ड खेळाडूने गेल्या ५ वर्षांत एकही आंतरराष्ट्रीय सामना खेळला नसेल तर तो आयपीएलमध्ये अनकॅप्ड खेळाडू म्हणून गणला जाईल.
यासोबतच त्याचा भारतीय क्रिकेट नियामक मंडळाशीही कोणताही करार नसावा. त्यामुळे धोनी या स्केलमध्ये पूर्णपणे फिट बसतो. चेन्नई सुपर किंग्ज त्याला अनकॅप्ड खेळाडू म्हणून घेऊ शकतो.
अशा स्थितीत, धोनी अनकॅप्ड खेळाडू म्हणून खेळला तर त्याला कोट्यवधी रुपयांचे नुकसान होऊ शकते. गेल्या मोसमात सीएसकेने धोनीला कायम ठेवले होते. २०२२ पासून त्यांचा पगार १२ कोटी रुपये आहे. आता या हंगामात कायम ठेवलेल्या अनकॅप्ड खेळाडूला ४ कोटी रुपये दिले जाऊ शकतात. त्यामुळे धोनीला ८ कोटी रुपयांचे नुकसान होणार आहे.
खेळाडूंना प्रत्येक सामन्यासाठी फी मिळणार
IPL २०२५ मध्ये खेळाडूंना बरेच फायदे मिळणार आहेत. लिलावात विकल्यानंतर प्रत्येक सामन्यासाठी त्याला फी देखील मिळेल. हे कराराच्या रकमेपेक्षा वेगळे असेल. प्रत्येक खेळाडूला एका सामन्यासाठी ७.५ लाख रुपये दिले जातील. इम्पॅक्ट खेळाडूलादेखील मॅच फी मिळेल. बीसीसीआयने २०२७ पर्यंत इम्पॅक्ट प्लेयर नियम सुरू ठेवण्याचा निर्णय घेतला आहे.
या वेळी संघांच्या ऑक्शन पर्समध्येही वाढ करण्यात आली आहे. आता संघांकडे १२० कोटी रुपये असतील. त्यामुळे पुढील वर्षी त्यात पुन्हा वाढ होऊ शकते.
संबंधित बातम्या