मराठी बातम्या  /  क्रिकेट  /  T20 WC 2024 : टीम इंडियात नवा जोश! संजू-सिराज ते जैस्वाल… हे ५ खेळाडू पहिल्यांदाच टी-20 वर्ल्डकप खेळणार, वाचा

T20 WC 2024 : टीम इंडियात नवा जोश! संजू-सिराज ते जैस्वाल… हे ५ खेळाडू पहिल्यांदाच टी-20 वर्ल्डकप खेळणार, वाचा

Jun 01, 2024 11:51 AM IST

Team india for T20 World Cup 2024 : बीसीसीआयने ३० एप्रिल रोजी T20 वर्ल्ड कप २०२४ साठी टीम इंडियाची घोषणा केली होती. यावेळी संघात असे ५ खेळाडू आहेत, जे पहिल्यांदाच T20 विश्वचषकाचा भाग बनले आहेत.

T20 WC 2024 : संजू-सिराज ते जैस्वाल… हे ५ खेळाडू पहिल्यांदाच टी-20 वर्ल्डकप खेळणार, भारत चॅम्पियन बनणार?
T20 WC 2024 : संजू-सिराज ते जैस्वाल… हे ५ खेळाडू पहिल्यांदाच टी-20 वर्ल्डकप खेळणार, भारत चॅम्पियन बनणार?

T20 World Cup 2024 Indian Cricket Team : टी-20 वर्ल्डकप २०२४ साठी भारत, पाकिस्तान, ऑस्ट्रेलिया आणि इंग्लंडसह २० संघ सज्ज झाले आहेत. यावेळी वेस्ट इंडिज आणि अमेरिका यांच्या संयुक्त विद्यमाने या स्पर्धेचे आयोजन करण्यात आले आहे. टी-20 वर्ल्डकपचे १६ सामने यूएसएमध्ये खेळले जाणार आहेत, तर उर्वरित ३९ सामने कॅरेबियन बेटांवर खेळले जातील.

ट्रेंडिंग न्यूज

या स्पर्धेत बाद फेरीसह एकूण ५५ सामने खेळले जातील. ही स्पर्धा २९ दिवस चालेल. तर टीम इंडिया ५ जूनपासून आपल्या मोहिमेला सुरुवात करणार आहे. अ गटात असलेली टीम इंडिया आपले चारही साखळी सामने अमेरिकेत खेळणार आहे.

टीम इंडियावर सर्वाधिक नजरा असणार आहेत. कारण याआधी २०२२ च्या टी-२० विश्वचषकात टीम इंडियाला उपांत्य फेरीतून बाहेर पडावे लागले होते. अशा परिस्थितीत यावेळी खेळल्या जाणाऱ्या T20 विश्वचषकासाठी टीम इंडियाने अनेक मोठे बदल केले आहेत.

यावेळी, भारताच्या १५ सदस्यीय संघात नव्या खेळाडूंनाही संधी दिली आहे. टीम इंडियाच्या स्क्वॉडमधील ५ खेळाडूंची पहिल्यांदाच T20 विश्वचषकासाठी निवड झाली. त्यात स्टार वेगवान गोलंदाज मोहम्मद सिराज आणि स्टार सलामीवीर यशस्वी जैस्वाल यांचाही समावेश आहे.

मोहम्मद सिराज

वेगवान गोलंदाज मोहम्मद सिराज बऱ्याच काळापासून भारतीय संघाचा भाग आहे. सिराजने २०१७ मध्ये टी-20 आंतरराष्ट्रीय क्रिकेटमध्ये पदार्पण केले, परंतु टी-20 वर्ल्ड कपमध्ये निवड होण्यासाठी त्याला २०२४ पर्यंत प्रतीक्षा करावी लागली. २०२३ मध्ये खेळल्या गेलेल्या एकदिवसीय विश्वचषकातही सिराज टीम इंडियाचा एक भाग होता. आता त्याची टी-२० विश्वचषकासाठीही निवड झाली आहे.

यशस्वी जैस्वाल

भारतीय संघाचा स्टार सलामीवीर यशस्वी जैस्वालने कसोटी आणि टी-20 आंतरराष्ट्रीय क्रिकेटमध्ये आपला ठसा उमटवला आहे. तो टीम इंडियाचा मुख्य सलामीवीर बनला आहे. जैस्वालची पहिल्यांदाच टी-२० विश्वचषकासाठी निवड झाली आहे. जैस्वालने २०२३ मध्ये आंतरराष्ट्रीय पदार्पण केले. तो या स्पर्धेत कर्णधार रोहित शर्मासोबत ओपनिंग करताना दिसू शकतो.

संजू सॅमसन

यष्टिरक्षक फलंदाज संजू सॅमसनने २०१५ मध्ये टी-20 मध्ये भारताकडून आंतरराष्ट्रीय क्रिकेटमध्ये पदार्पण केले. पण, पहिल्या T20 विश्वचषकाचा भाग होण्यासाठी संजूला जवळपास ९ वर्षे लागली. संजूने नुकत्याच झालेल्या आयपीएल २०२४ मध्ये चमकदार कामगिरी केली आहे, यामुळे त्याचा T20 विश्वचषक संघात समावेश करण्यात आला आहे.

तथापि, संजूला प्लेइंग इलेव्हनमध्ये स्थान मिळवणे सोपे होणार नाही कारण तो ऋषभ पंतशी स्पर्धा करेल, जो प्लेइंग इलेव्हनमध्ये टीम इंडियाची पहिली पसंती असू शकतो.

शिवम दुबे

अष्टपैलू शिवम दुबेने IPL २०२४ च्या सुरुवातीच्या टप्प्यात उत्कृष्ट फलंदाजी केली होती. मात्र, स्पर्धेच्या दुसऱ्या टप्प्यातही तो फ्लॉप ठरला. T20 विश्वचषकात निवड झाल्यानंतर दुबेचा फ्लॉप शो आला. दुबेची पहिल्यांदाच T20 विश्वचषकासाठी निवड झाली आहे. मात्र, त्याला प्लेइंग इलेव्हनमध्ये स्थान मिळवणे सोपे जाणार नाही.

कुलदीप यादव

स्टार फिरकीपटू कुलदीप यादवलाही पहिल्यांदाच टी-20 वर्ल्ड कपसाठी टीम इंडियाचा भाग बनवण्यात आले आहे. कुलदीप दीर्घ काळापासून टीम इंडियाचा भाग आहे आणि तिन्ही फॉरमॅट खेळतो. पण, आता पहिल्यांदाच T20 वर्ल्ड कपमध्ये त्याचा समावेश करण्यात आला आहे.

टी-२० वर्ल्डकप २०२४