Bengal vs Chandigarh : बंगालनं शेवटच्या चेंडूवर सामना जिंकला, शमीनं फलंदाजीनंतर गोलंदाजीतही दाखवला दम

बंगालकडून मोहम्मद शमीनेही चमकदार कामगिरी केली. फलंदाजीनंतर त्याने गोलंदाजीतही ताकद दाखवली.

PV Sindhu Marriage : पीव्ही सिंधूच्या लग्नाची पत्रिका बघितली का? फुलराणीनं सचिनला घरी जाऊन दिलं लग्नाचं आमंत्रण

प्रथम फलंदाजी करताना बंगालने १६० धावांचे लक्ष्य ठेवले होते. प्रत्युत्तरात चंदीगड संघाला २० षटकांत ९ गडी गमावून केवळ १५६ धावा करता आल्या. त्यांच्याकडून राज बावाने सर्वाधिक ३२ धावा केल्या. २० चेंडूंचा सामना करताना त्याने ३ चौकार आणि १ षटकार लगावला. प्रदीप यादवने १९ चेंडूंचा सामना करत २७ धावा केल्या. कर्णधार मनन वोहराने २३ धावांची खेळी खेळली. अखेरीस संदीप शर्मा आणि निशंक बिर्ला नाबाद राहिले.

शेवटच्या षटकात चंदीगडला ११ करता आल्या नाहीत

चंदिगडला शेवटच्या षटकात विजयासाठी ११ धावांची गरज होती. बंगालकडून हे षटक सायन घोषने टाकले. त्याने पहिल्या आणि दुसऱ्या चेंडूवर प्रत्येकी एक धाव दिली. तिसरा चेंडू डॉट टाकला. चौथ्या चेंडूवर जगजीत सिंग धावबाद झाला. पण हा चेंडू वाईड बॉल देण्यात आला. यानंतर, पाचव्या चेंडूवर पुन्हा एक एक विकेटआली. निखिल शर्मा बाद झाला. शेवटच्या चेंडूवर चौकार आला.

बंगालसाठी शमीने चांगली फलंदाजी केली -

प्रथम फलंदाजी करताना बंगालने २० षटकांत १५९ धावा केल्या. यादरम्यान मोहम्मद शमीने संघासाठी दमदार कामगिरी केली. शमीने १७ चेंडूंचा सामना करत नाबाद ३२ धावा केल्या. या खेळीत त्याने ३ चौकार आणि २ षटकार मारले.

Mohammed Shami : शमीची तुफानी फलंदाजी, १०व्या क्रमांकावर येऊन दिला चौकार-षटकारांचा तडाखा

बंगालकडून करण लालानेही चांगली खेळी केली. त्याच्या खेळीत २ षटकार आणि १ चौकाराचा समावेश होता. हृतिक चॅटर्जीने १२ चेंडूत २८ धावा केल्या. त्याने ३ षटकार आणि २ चौकार मारले.

शमीनं फलंदाजीनंतर गोलंदाजीत दाखवला दम

बंगालकडून शमीने नाबाद ३२ धावा केल्या होत्या. यानंतर त्याने गोलंदाजीतही उत्तम कौशल्य दाखवले. त्याने ४ षटकात केवळ २५ धावा देत १ बळी घेतला.