चॅम्पियन्स ट्रॉफीसाठी रिझवानची भारताला भावनिक साद, सूर्या आणि केएल राहुलचं नाव घेतं काय म्हणाला? पाहा

ऑस्ट्रेलियातील पत्रकार परिषदेत मोहम्मद रिझवान म्हणाला, की केएल राहुल, सूर्यकुमार यादव यांसह सर्वांचे पाकिस्तानात आल्यास आम्ही स्वागत करू, पण हा आमचा निर्णय नाही, हा पाकिस्तान क्रिकेट बोर्डाचा निर्णय आहे.

मोहम्मद रिझवान पुढे म्हणाला की, पाकिस्तान क्रिकेट बोर्ड जो काही निर्णय घेईल, आम्हाला आशा आहे की सर्व समस्यांचे निराकरण होईल, परंतु आम्हाला आशा आहे की भारतीय खेळाडू चॅम्पियन्स ट्रॉफीसाठी नक्कीच पाकिस्तानात येतील. भारतीय खेळाडू पाकिस्तानात आले तर आम्ही त्यांचे मनापासून स्वागत करू.

मोहम्मद रिझवानचे हे वक्तव्य अशा वेळी आले आहे, जेव्हा भारतीय टी-20 संघाचा कर्णधार सूर्यकुमार यादव याचे वक्तव्य सोशल मीडियावर मोठ्या प्रमाणात व्हायरल होत आहे. दक्षिण आफ्रिकेत सूर्यकुमार यादव याला एका पाकिस्तानी क्रिकेट चाहत्याने विचारले की तुम्ही पाकिस्तानात का येत नाही? या प्रश्नाच्या उत्तरात सूर्यकुमार यादव म्हणाले की अरे भाऊ, आमच्या हातात काय आहे.

या दरम्यानच, पाकिस्तानचा माजी क्रिकेटपटू जावेद मियांदाद याचाही एक व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये जावेद मियांदाद हातात तलवार फिरवत म्हणतोय, “मी बॅटने षटकार मारला होता, आता हे शस्त्र चालेल.”

यावेळी त्याच्या शेजारी उभा असलेला एक माणूस म्हणतो, बॅट धारदार होती आणि ही तलवारही धारदार आहे. यानंतर जावेद मियांदाद म्हणतो, "जर मी बॅटने षटकार मारू शकतो, तर मी कापू शकत नाही का?" एवढेच नाही तर तो काश्मीरवरही वक्तव्य करतो, ज्यामुळे भारतीय चाहते नाराज आहेत.