मोहम्मद आमीरनं मोडला भुवनेश्वरकुमारचा खास विक्रम, टी-20 क्रिकेटमध्ये टाकली 'इतकी' निर्धाव षटकं

टी-20 मध्ये सर्वाधिक मेडन षटके टाकण्याच्या बाबतीत मोहम्मद आमिरने भुवीला मागे टाकले आहे.

खरंतर, टी-20 मध्ये सर्वाधिक फेक मारण्याचा विक्रम सुनील नरेनच्या नावावर आहे. त्याने ५२२ सामन्यांमध्ये ३० मेडन षटके टाकली आहेत. तर बांगलादेशचा शाकिब अल हसन दुसऱ्या स्थानावर आहे. शाकिबने ४४४ सामन्यात २६ मेडन ओव्हर टाकल्या आहेत. भुवनेश्वर कुमार तिसऱ्या क्रमांकावर होता.

मात्र आता मोहम्मद आमिर तिसऱ्या क्रमांकावर आला आहे. त्याने ३०२ सामन्यात २५ मेडन षटके टाकले आहेत. तर भुवीने २८६ सामन्यात २४ मेडन षटके टाकली आहेत. जसप्रीत बुमराह पाचव्या स्थानावर आहे. त्याने २३३ सामन्यात २२ मेडन्स टाकले आहेत.

बार्बाडोस रॉयल्स आणि अँटिग्वा यांच्यात CPL २०२४ चा सामना खेळला गेला. मोहम्मद आमिर अँटिग्वा संघाचा भाग आहे. या सामन्यात अँटिग्वाने प्रथम फलंदाजी करताना २० षटकांत ५ गडी गमावून १७६ धावा केल्या. 

त्यांच्याकडून जस्टिन ग्रेव्हजने ६१ धावा केल्या. तर बिलिंग्सने ५६ धावांची खेळी खेळली. प्रत्युत्तरात बार्बाडोस संघ केवळ १२७ धावा करू शकला. पण तरीही बार्बाडोसने डकवर्थ लुईस नियमाचा वापर करून हा सामना १० धावांनी जिंकला. या सामन्यात आमिरने २.३ षटके टाकली. यादरम्यान त्याने ११ धावा दिल्या आणि १ षटक निर्धाव टाकले.

आमिरच्या आतापर्यंतच्या कारकिर्दीवर नजर टाकली तर ती कमालीची आहे. त्याने ३०२ टी-20 सामन्यात ३४७ विकेट घेतल्या आहेत. त्याने ६२ टी-20 आंतरराष्ट्रीय सामन्यांमध्ये ७१ विकेट घेतल्या आहेत. आमिरने ६१ एकदिवसीय सामनेही खेळले आहेत. या कालावधीत ८१ विकेट्स घेतल्या आहेत. त्याने ३६ कसोटी सामन्यात ११९ विकेट घेतल्या आहेत.