मराठी बातम्या  /  क्रिकेट  /  LSG vs DC Head to Head: लखनौ आणि दिल्ली यांच्यात सर्वाधिक विजय कोणाच्या नावावर, पाहा हेड टू हेड रेकॉर्ड

LSG vs DC Head to Head: लखनौ आणि दिल्ली यांच्यात सर्वाधिक विजय कोणाच्या नावावर, पाहा हेड टू हेड रेकॉर्ड

Ashwjeet Rajendra Jagtap HT Marathi
Apr 12, 2024 09:19 AM IST

Lucknow Super Giants vs Delhi Capitals Head to Head: लखनौ सुपर जायंट्स आणि दिल्ली कॅपिटल्स यांच्यात कोणत्या संघाने सर्वाधिक विजय मिळवला आहे, हे जाणून घेऊयात.

लखनौ सुपर जायंट्स आणि दिल्ली कॅपिटल्स यांच्यात आयपीएल २०२४ मधील २६ वा सामना खेळला जाणार आहे.
लखनौ सुपर जायंट्स आणि दिल्ली कॅपिटल्स यांच्यात आयपीएल २०२४ मधील २६ वा सामना खेळला जाणार आहे. (PTI)

IPL 2024: चार सामन्यांतून सलग तीन विजय नोंदविणाऱ्या लखनौ सुपर जायंट्स चा संघ शुक्रवारी इकाना स्टेडियमवर दिल्ली कॅपिटल्ससंघाविरुद्ध खेळताना आपले वर्चस्व वाढविण्याच्या प्रयत्नात असेल. या हंगामात दिल्लीची सुरुवात खराब झाली आहे. दिल्लीला पाच सामन्यांपैकी केवळ एका सामन्यात विजय मिळवता आला आहे. लखनौने त्यांच्या अखेरच्या सामन्यात यश ठाकूरच्या उत्कृष्ट गोलंदाजीच्या जोरावर गुजरात टायटन्सला पराभूत केले.

ट्रेंडिंग न्यूज

२०२० च्या उपविजेत्या संघाने पृथ्वी शॉ आणि ट्रिस्टियन स्टब्स यांच्या दमदार धावांचा पाठलाग केला, पण मुंबई इंडियन्सने केलेल्या २३५ धावांच्या विशाल धावसंख्येसमोर त्यांना अपयश आले. या हंगामात दोनवेळा २००+ धावा करूनही दिल्लीला पराभव स्वीकारावा लागला. यजमान लखनौ आयपीएल २०२४ च्या गुणतालिकेत तिसऱ्या स्थानावर आहे, तर रिषभ पंतच्या दिल्ली कॅपिटल्सला मागील सामन्यात पराभव पत्करावा लागला.

LSG vs DC Live Streaming: आज केएल राहुल- ऋषभ पंत आमनेसामने; येथे पाहा लखनौ आणि दिल्ली यांच्यातील सामना

हेड टू हेड रेकॉर्ड

आयपीएलच्या इतिहासात लखनौ आणि दिल्लीचा संघ एकूण ३ वेळा आमनेसामने आले आहेत. त्यापैकी तिन्ही सामन्यात लखनौच्या संघाने विजय मिळवला आहे. लखनौची दिल्लीविरुद्ध सर्वोत्तम धावसंख्या १९५ आहे. तर, दिल्लीची लखनौविरुद्ध सर्वाधिक धावसंख्या १८९ इतकी आहे. दोन्ही संघामध्ये अखेरचा सामना २०१३ मध्ये खेळला गेला. या सामन्यात लखनौने ५० धावांनी विजय मिळवला होता.

लखनौच्या संघाला धक्का, मयांक यादव दिल्ली कॅपिटल्स आणि केकेआर विरुद्ध खेळणार नाही, कारण काय?

दिल्लीसमोर लखनौच्या पाच फलंदाजांचे आव्हान

केएल राहुल, मार्कस स्टोइनिस आणि निकोलस पूरन हे आयपीएलमधील इकाना स्टेडियमवर सर्वाधिक धावा करणारे पाच फलंदाज आहेत, जे दिल्ली कॅपिटल्सविरुद्धच्या एलएसजीच्या लढतीतही खेळण्याची शक्यता आहे. हे तिघेही उत्तम फॉर्मात असल्याने ते डीसी बॉलिंग युनिटमधून कसे मार्ग काढतात हे पाहणे महत्त्वाचे ठरणार आहे.

लखनौचा संभाव्य संघ:

केएल राहुल (कर्णधार), क्विंटन डी कॉक, मार्कस स्टॉइनिस, देवदत्त पडिक्कल, निकोलस पूरन, आयुष बडोनी, कृणाल पंड्या, यश ठाकूर, रवी बिश्नोई, नवीन-उल-हक, एम सिद्धार्थ.

दिल्लीचा संभाव्य संघ:

डेव्हिड वॉर्नर, पृथ्वी शॉ, ऋषभ पंत, ट्रिस्टन स्टब्स, अभिषेक पोरेल, ललित यादव, अक्षर पटेल, झ्ये रिचर्डसन, इशांत शर्मा, खलील अहमद, रसिक दार/सुमित कुमार.

IPL_Entry_Point