आयपीएलमध्ये संघमालक खेळाडूंची निवड कशी करतात? केएल राहुल यानं सांगितलं सर्वात मोठं गुपित

याशिवाय सनरायझर्स हैदराबादविरुद्धच्या सामन्यात संघाचा १० विकेट्सने पराभव झाला, तेव्हा लखनौचे संघमालक संजीव गोयंका यांच्याशी राहुलचे काही वाद झाले. आता आयपीएल २०२५ च्या आधी लखनौच्या कर्णधाराने आयपीएलमधील काही रहस्य उघड केले आहेत.

राहुलने 'निखिल कामथ' पॉडकास्टमध्ये आयपीएलबद्दल चर्चा केली. राहुलने सांगितले की संघांचे मालक व्यावसायिक पार्श्वभूमीचे आहेत आणि ते संशोधनानंतर संघ निवडतात. डेटावर आधारित तुम्हाला चांगले खेळाडू सापडतील, परंतु त्यांचे संपूर्ण वर्ष खराब असू शकते. क्रीडा क्षेत्रातील सर्वच खेळाडूंना वाईट दिवस आले आहेत.

राहुल म्हणाला, "मालक व्यावसायिक पार्श्वभूमीतून येतात, संशोधन करतात आणि संघ निवडतात, परंतु तुम्ही प्रत्येक सामना जिंकू शकाल याची शाश्वती नसते. डेटानुसार तुम्हाला सर्वोत्तम खेळाडू मिळू शकतात, परंतु त्यांचे वर्ष किंवा वेळ खराब असू शकते." प्रत्येक खेळाडूचा खेळात वाईट दिवस येऊ शकतो.

राहुल आरसीबीमध्ये सामील होऊ शकतो

लखनऊच्या मालकाशी झालेल्या वादानंतर अशा बातम्या आल्या होत्या, की फ्रँचायझी मेगा लिलावापूर्वी राहुलला रीलीज करू शकते. IPL २०२५ पूर्वी मेगा लिलाव होणार आहे. रिपोर्ट्समध्ये असा दावाही करण्यात आला होता की जर राहुलला लखनौमधून सोडण्यात आले तर तो त्याच्या जुन्या फ्रँचायझी म्हणजेच रॉयल चॅलेंजर्स बंगलोरमध्ये परत जाऊ शकतो. मात्र याबाबत अद्याप कोणतीही अधिकृत माहिती समोर आलेली नाही.

केएल राहुलची आतापर्यंतची आयपीएल कारकीर्द

केएल राहुलने आयपीएलमध्ये आतापर्यंत १३२ सामने खेळले आहेत, ज्यामध्ये त्याने ४५.४७ च्या सरासरीने आणि १३४.६१ च्या स्ट्राइक रेटने ४६८३ धावा केल्या आहेत. या कालावधीत त्याने ४ शतके आणि ३७ अर्धशतके केली आहेत.