मराठी बातम्या  /  क्रिकेट  /  KKR vs RR Toss Report: राजस्थान रॉयल्सचा टॉस जिंकून प्रथम गोलंदाजीचा निर्णय

KKR vs RR Toss Report: राजस्थान रॉयल्सचा टॉस जिंकून प्रथम गोलंदाजीचा निर्णय

Ashwjeet Rajendra Jagtap HT Marathi
Apr 16, 2024 08:27 PM IST

Rajasthan Royals vs Kolkata Knight Riders: कोलकाताच्या ईडन गार्डन खेळल्या जात असलेल्या सामन्यात राजस्थानने नाणेफेक जिंकून प्रथम गोलंदाजी करण्याचा निर्णय घेतला आहे.

आयपीएल २०२४: राजस्थान रॉयल्सने नाणेफेक जिंकून कोलकाता नाइट रायडर्सला प्रथम फलंदाजीसाठी आमंत्रित केले.
आयपीएल २०२४: राजस्थान रॉयल्सने नाणेफेक जिंकून कोलकाता नाइट रायडर्सला प्रथम फलंदाजीसाठी आमंत्रित केले.

IPL 2024: राजस्थान रॉयल्सने नाणेफेक जिंकून कोलकाता नाईट रायडर्सविरुद्ध प्रथम गोलंदाजी करण्याचा निर्णय घेतला. या सामन्यात जोस बटलर आणि रविचंद्रन अश्विनचे ​​पुनरागमन झाल्याचे संजू सॅमसनने सांगितले. त्याचबरोबर या सामन्यात कोलकाता कोणताही बदल न करता खेळताना दिसणार आहे. कोलकात्याच्या प्लेइंग ११ मध्ये चार परदेशी खेळाडूंचा समावेश करण्यात आला. यामध्ये फिल सॉल्ट, सुनील नरायण, आंद्रे रसेल आणि मिचेल स्टार्क यांचा समावेश आहे. तर शिमरॉन हेटमायर, रोव्हमन पॉवेल आणि ट्रेंट बोल्ट हे राजस्थानसाठी परदेशी खेळाडू म्हणून खेळताना दिसतील.

ट्रेंडिंग न्यूज

ईडन गार्डन्सवरील खेळपट्टी फिरकीपटू आणि मध्यम वेगवान गोलंदाजांना मदत करण्यासाठी ओळखली जाते. मात्र, यंदा या खेळपट्टीवर खेळल्या गेलेल्या दोन सामन्यांपैकी एका सामन्यात दोन्ही डावात २०० धावांचा टप्पा ओलांडला गेल्याने धावांचा ओघ वाढण्याची शक्यता व्यक्त होत आहे.

Dinesh Karthik : दिनेश कार्तिकनं भारताच्या टी-२० विश्वचषक संघाचं दार ठोठावलं, हैदराबादविरुद्धच्या खेळीची सर्वत्र चर्चा

कोलकाता- राजस्थानची कामगिरी

आयपीएलच्या इतिहासात कोलकाता नाईट रायडर्स आणि राजस्थान रॉयल्स एकूण २८ वेळा आमनेसामने आले. यापैकी १४ सामने कोलकात्याने जिंकले. तर, राजस्थानला १३ सामन्यात विजय मिळवण्यात यश आले. याशिवाय, एक सामना अनिर्णित ठरला.यंदाच्या मोसमात उत्कृष्ट कामगिरी केल्यानंतर दोन्ही संघ एकमेकांवर विजय मिळवण्याचा प्रयत्न करतील.

KKR vs RR Live Streaming: कोलकात्यासमोर राजस्थानचे आव्हान; कधी, कुठे पाहायचा लाईव्ह सामना?

ईडन गार्डन्सवर राजस्थानने किती सामने जिंकले?

आयपीएलच्या इतिहासात या मैदानावर खेळल्या गेलेल्या ८८ सामन्यांपैकी ३६ सामने प्रथम फलंदाजी करणाऱ्या संघांनी जिंकले आहेत. तर, ५२ सामने दुसऱ्या क्रमांकावर फलंदाजी करणाऱ्या संघांना गमवावे लागले आहेत. आरआरने ईडन गार्डन्सवर खेळलेल्या १० सामन्यांपैकी केवळ तीन सामने जिंकले आहेत.

RCB vs SRH : २६२ धावा करूनही आरसीबीचा पराभव, हैदराबादने २५ धावांनी सामना जिंकला; चिन्नास्वामीवर ५४९ धावांचा पाऊस

कोलकाता नाईट रायडर्सची प्लेइंग इलेव्हन:

फिलिप सॉल्ट (विकेटकिपर), सुनील नरेन, आंग्रिश रघुवंशी, श्रेयस अय्यर (कर्णधार), व्यंकटेश अय्यर, रिंकू सिंग, आंद्रे रसेल, रमणदीप सिंग, मिचेल स्टार्क, वरुण चक्रवर्ती, हर्षित राणा

राजस्थान रॉयल्सची प्लेइंग इलेव्हन:

यशस्वी जैस्वाल, संजू सॅमसन (कर्णधार आणि विकेटकिपर), रियान पराग, ध्रुव जुरेल, शिमरॉन हेटमायर, रोवमन पॉवेल, रविचंद्रन अश्विन, ट्रेंट बोल्ट, आवेश खान, कुलदीप सेन, युझवेंद्र चहल

 

 

IPL_Entry_Point