Cricket Umpire : मैदानी पंचांपेक्षा थर्ड अंपायरला जास्त पगार मिळतो? दोन्हींच्या मानधनात किती फरक? जाणून घ्या
Cricket Umpire Salary : फील्ड आणि थर्ड अंपायर यांच्या पगारात कोणताही फरक नाही. तिन्ही फॉरमॅटमध्ये दोन्ही प्रकारच्या पंचांना समान वेतन मिळते. मात्र, मैदानी पंचाला संपूर्ण सामन्यादरम्यान उभे राहावे लागते.
क्रिकेट सामन्यांमध्ये अंपायरला खूप महत्त्व असते. सामन्यात पंचांचा निर्णय अंतिम असतो. पंचांशिवाय कोणताही क्रिकेट सामना प्रामाणिकपणे खेळता येत नाही. आता पंच इतके महत्त्वाचे असल्याने त्यांचे पगारही तसेच, असतात. तुम्ही क्रिकेटमधील थर्ड अंपायरबद्दलही ऐकले असेल. फील्ड अंपायर आणि थर्ड अंपायर यांच्या पगारात किती फरक असतो, हे आपण येथे जाणून घेणार आहोत.
एका क्रिकेट सामन्यात एकूण ४ पंच असतात, त्यापैकी २ पंच मैदानावर दिसतात. उरलेल्या एका अंपायरला थर्ड किंवा टीव्ही अंपायर आणि एकाला फोर्थ अंपायर म्हणतात. जेव्हा फील्ड अंपायरला एखादा निर्णय घेण्यात अडचण येत असेल ते थर्ड अंपायरला रेफर करतात. यानंतर टीव्ही रिप्लेत पाहून थर्ड अंपायर आपला निर्णय देतात.
विशेषतः टीव्ही अंपायर रन आऊटमध्ये निर्णय देतात. याशिवाय, गोलंदाजी किंवा फलंदाजी संघाने मैदानी पंचांच्या निर्णयाला रिव्ह्यू घेऊन आव्हान दिले, तरीही तिसरा पंच निर्णय देतो.
फील्ड आणि थर्ड अंपायर यांच्या पगारात किती फरक?
मीडिया रिपोर्ट्सनुसार, फील्ड आणि थर्ड अंपायर यांच्या पगारात कोणताही फरक नाही. तिन्ही फॉरमॅटमध्ये दोन्ही प्रकारच्या पंचांना समान वेतन मिळते. मात्र, मैदानी पंचाला संपूर्ण सामन्यादरम्यान उभे राहावे लागते.
मीडिया रिपोर्ट्सनुसार, एका अंपायरला टेस्ट क्रिकेटमध्ये अंपायरिंगसाठी सुमारे ५००० हजार यूएस डॉलर्स दिले जातात, जे भारतीय रुपयांमध्ये ४ लाखांपेक्षा जास्त आहे. याशिवाय एकदिवसीय सामन्यांमध्ये अंपायरिंगसाठी सुमारे ३००० हजार यूएस डॉलर (सुमारे २.५ लाख भारतीय रुपये) दिले जातात.
पंचांना T20 सामन्यात अंपायरिंग करण्यासाठी सुमारे १५०० युएस डॉलर्स (रु. १.२५ लाख) मिळतात. पगार पाहता अंपायरिंगच्या नोकरीतून तुम्ही चांगले पैसे कमाऊ शकता.
