IPL 2024 : दुखापतीमुळे आयपीएल न खेळणाऱ्या खेळाडूंना पगार मिळतो का? नियम काय? जाणून घ्या

गेल्या आयपीएलमध्ये म्हणजेच आयपीएल २०२३ मध्येही अनेक खेळाडू स्पर्धेला मुकले होते. जसप्रीत बुमराह, ऋषभ पंत आणि प्रसिद्ध कृष्णासह अनेक परदेशी खेळाडू दुखापतींमुळे आयपीएल २०२३ मध्ये खेळू शकले नव्हते.

PSL ची बक्षीस रक्कम किती? आयपीएल सोडा, पाकिस्तान सुपर लीगची WPL शीही तुलना होऊ शकत नाही

दरम्यान, आता काही दिवसांतच आयपीएल २०२४ चा थरार सुरू होणार आहे. पण याही आयपीएलमध्ये काही दिग्गज खेळाडू दिसणार नाहीत. दुखापतीमुळे हे खेळाडू यंदाच्या आयपीएलमध्ये खेळणार नाहीत.

आयपीएल २०२४ सुरू होण्यापूर्वीच अनेक मोठे खेळाडू दुखापतीमुळे स्पर्धेतून बाहेर पडले आहेत. आयपीएल मिनी लिलावात अनेक खेळाडूंवर करोडो रुपयांची बोली लागली होती. 

पण हे खेळाडू आता आयपीएल खेळताना दिसणार नाहीत. अशा स्थितीत या खेळाडूंना कोट्यवधी रुपयांची आयपीएल फीस मिळणार की नाही? असा प्रश्न चाहत्यांना पडला आहे.

आयपीएलच्या नियमांनुसार, जर एखाद्या खेळाडूने दुखापतीमुळे किंवा इतर कारणांमुळे सीझन सुरू होण्यापूर्वी आपले नाव मागे घेतले तर त्याला कोणतीही रक्कम दिली जाणार नाही. याचा अर्थ असा की जर एखाद्या खेळाडूने कोणताही सामना न खेळता स्पर्धेतून माघार घेतली तर त्याला पैसे मिळणार नाहीत.

त्याचवेळी, खेळाडूला स्पर्धेदरम्यान दुखापत झाल्यास किंवा कोणत्याही वैयक्तिक कारणामुळे खेळता आले नाही, तर त्याला सामन्यानुसार पैसे दिले जातील.

रोहितला कर्णधारपदावरून का काढले? प्रश्न ऐकताच, हार्दिक आणि बाउचरचा चेहरा पडला, व्हिडीओ पाहा

जगातील अनेक दिग्गज खेळाडू आयपीएल २०२४ ला मुकणार आहेत. यामध्ये मोहम्मद शमीचादेखील समावेश आहे. शमीने गतवर्षी २८ विकेट घेत पर्पल कॅप जिंकली होती. 

शमी व्यतिरिक्त लुंगी एनगिडी, गस ऍटकिन्सन, जेसन रॉय, प्रसिध कृष्णा, मथिश पाथिराना, मार्क वुड, रॉबिन मिंझ आणि दिलशान मधुशंका हे खेळाडू दुखापतीमुळे IPL 2024 मधून पूर्णपणे बाहेर पडले आहेत. 

या खेळाडूंनी आयपीएल सुरू होण्याआधीच स्वताहून माघार घेतली आहे. त्यामुळे त्यांना आगामी हंगामात कोणतीही रक्कम दिली जाणार नाही.